Categories

ОБСЕ/ОДИХР Гловер: 300 краткорочни набљудувачи на денот на локалните избори

Амбасадорката на ОБСЕ/ОДИХР, Одри Гловер, на денешната прес-конференција ја најави набљудувачката мисија за локалните избори на 15 октомври.

Во своето обраќање до медиумите, амбасадорката им се заблагодари на државните власти и на Државната изборна комисија за соработката.

„Мисијата е предводена од 16 експерти, со седиште во Скопје, 20 долгорочни набљудувачи, што ќе бидат распоредени, започнувајќи од 18 септември, низ целата земјата во тимови по двајца, и 300 краткорочни набљудувачи, што ќе пристигнат неколку денови пред изборите“, изјави амбасадорката.

На новинарските прашања во врска со Избирачкиот список и со повторувањето на истите проблеми од минитите избори, како и за промената во членството на ДИК непосредно пред изборите (член од Беса, на местото на членот од ДПА), Гловер одговори дека официјално денеска почнуваат и дека уште не е направен увид од нивна страна за состојбата на Избирачкиот список, а дека за промената во ДИК, коментар ќе дадат кога официјално ќе се изврши.

Мисијата на ОБСЕ/ОДИХР ќе ја оценува усогласеноста на локалните избори со заложбите на ОБСЕ и со другите меѓународни обврски и стандарди за демократски избори, како и со македонските прописи, а ќе го следи и известувањето на медиумите за кампањата.

Текст и монтажа: Биљана Јордановска

Камера: Дехран Муратов

 

Print Friendly, PDF & Email