Поранешниот шеф на грчката дипломатија, а сега надлежен за надворешна политика во опозициската СИРИЗА, Јоргос Катругалос, позитивно ги коментира изјавите на Никос Дендиас од Скопје и вели дека треба да ги слушнат и оние членови на Нова демократија кои одбиваат да го користат новото име.
-Ги поздравуваме изјавите на министерот за надворешни работи дека Договорот од Преспа треба целосно и доследно да се спроведува. Да ги слушнат (изјавите) и оние членови на Нова демократија кои се служеа со демагогија за предавство, а дури и денес одбиваат да ја именуваат соседната земја под нејзиното договорено / уставно име, вели Катругалос.
извор: МИА
