Вашингтонскиот полицаец Гинтер Хашида во четвртокот бил пронајден мртов во својот дом, каде извршил самоубиство, со што бројот на самоубиства на полицајци кои го обезбедуваа Конгресот при упадот на разулавената толпа на 6 јануари годинава се зголеми на четири.
-Освен Хашида и полицаецот, Кајл де Фрајтаг, кој беше на должност во Капитол, на 10 јули на ист начин го заврши својот живот, изјави портпаролот на полицијата во Вашингтон, пренесуваат британските медиуми.
Полицаецот од дистриктот Колумбија, Џефри Смит и полицаецот од Капитол, Хауард Либенгуд, кои беа во обезбедувањето на Конгресот за време на немирите на 6 јануари, исто така, претходно си го одзедоа животот.
На 6 јануари стотици поддржувачи на тогашниот претседател Доналд Трамп упаднаа во зградата на Конгресот, во неуспешниот обид да го спречат потврдувањето на изборната победа на демократскиот претседател Џо Бајден, а за време на насилствата живоптот го загубија четири лица.
Следниот ден почина еден од полицајците од Капитол кој беше повреден од демонстрантите, а во насилствата беа поврдени вкупно повеќе од 100 полицајци
