Можна дестабилизација
Еврокомесарот за проширување Јоханес Хан во интервју за германската агенција ДПА, изјави дека може да дојде да се дестабилизира целиот Балканиски регон, доколку се одложат пристапните преговори на ЕУ за земјите од Западен Балкан, што покажале како што е Северна Македонија.
Неговите очекувања се дека до крајот на следниот месец Европската комисија ќе даде позитивна препорака за Северна Македонија и Албанија за отворање преговори за членство во ЕУ врз основа на критериумите кои едногласно ги усвоиле земјите членки.
Велигден во Грција
Околу 7.000 граѓани на Република Северна Македонија денеска го преминале граничниот премин „Богородица“, за да ги поминат неработните празнични денови во туристичките места во Грција. На граница се чекало од 20 до 25 минути, заради зголемената раздвиженост на автомобили.
Граничниот премин Дојран во последните 24 го поминале околу 1.800 патници.
Медимско политичко рекламирање
Агенцијата за аудио и аудиовизуелни медиумски услуги го објави Вториот извештај за начинот на известување на радиодифузерите во периодот од 10 до 19 април 2019 година. Mониторингот опфатенил вкупно 32 програмски сервиси, односно 15 програмски сервиси на национално ниво (13 ТВ и две радија), 17 регионални и локални телевизии.
Карактеристика на медиумското покривање во овој период е поголемото настојување кај радиодифузерите за доследно почитување на принципот на еднаквост, согласно кој се обезбедува баланс во известувањето за активностите и на претседателските и на градоначалничките кандидати. Исклучок е ТВ Сител кај која има поголеми разлики во отстапеното време во вестите, од една страна за претседателските кандидати Пендаровски и Силјановска Давкова, а од друга страна за кандидатот Река.
Приговори
Државната изборна комисија носеше одлуки по поднесени приговори на 25 април кога 7 од вкупно 14 приговори на Гордана Силјановска Давкова беа прифатени. Меѓу прифатените приговори е и Избирачкото место број 0816 во родното место на лидерот на ДУИ, Али Ахмети, Зајас, кичевско. Според изборниот штаб на Силјановска-Давкова, односно ВМРО-ДПМНЕ, во период од 15 до 17 часот гласале 297 гласачи или, како што наведуваат во проговорот, во просек, секој од гласачите имал 24 секунди за гласање.
ДИК тврди дека, според процедурата на гласање, невозможно е физички да се оствари процесот на гласање за толку кратко време. По пребројувањето на гласовите, ДИК утврди и дека се употребени 416 гласачки ливчиња, а во изводот од Избирачкиот список се потпишани 412 гласачи. Затоа, ДИК донесе одлука да се поништи гласањето во ова гласачко место, а целиот Избирачки одбор го разреши од должноста.
Од бележникот на набљудувачите на ЦИВИЛ
Во Тафталиџе, сите избирачки места, очигледно, на првиот круг од гласањето за претседателските избори, биле за ВМРО-ДПМНЕ. Или да биде појасно, во сите нив се гласало за оваа партија.
Од белешките на набљудувачите на ЦИВИЛ, издвојуваме една изјава на граѓанка што дошла да гласа. Жената во одминати години влегла и ги прашала членовите на избирачкиот одбор: „Во кои гласачки места се гласа за ВМРО-ДПМНЕ?“
„Сите гласачки места се за ВМРО-ДПМНЕ“, одговорил „мудро и прописно“ еден од членовите на Избирачкиот одбор.
Фејсбук страницата „Подршка за македонската полиција“ го крши изборниот молк. Некаде околу пладне, на 20 април, во време на изборниот молк, оваа Фејсбук страница објави фотографија со ликовите на лидерот на СДСМ и премиер Зоран Заев и консензуалниот кандидат за претседател, Стево Пендаровски, врз кои е напишанио „Заслужуваш ли повторно да бидеш излажан? Кажи им не на СДСМ“!
Изборна хроника
Неделава, односно деновите по првиот изборен круг на гласање за претседател на државата, некој се фати за метла, некој за кодот од Законикот на Лек Дукаѓини – Беса (заборавена и од Албанците), и вапцаше јајца, и, сите за гласовите од Река и Шарената Револуција.
Метлата му припадна на лидерот на СДСМ и премиерот на Република Северна Македонија, Зоран Заев. Кандидатката Гордана Силјановска Давкова си ги присвојува гласовите што отидоа на контото на Река, а вчера на својот профил пријави дека вапцала јајца, и нѐ почести со фотографија од истите. Од Шарената револуција, односно од нејзините борци, поддршка бараат и двата кандидати.
За претстојните празници, кандидатите најавија дека нема да имаат активности од типот на поголеми собири, туку дека ќе имаат тивки средби со граѓаните, во духот на празниците.
Биљана Јордановска
