Американската Амбасада во земјава денеска на Твитер и на Фејсбук се огласи во врска со писмото, кое помошникот државен секретар за европски и евроазиски прашања во Стејт Департментот Филип Рикер го испрати до премиерот Зоран Заев.
Рикер во писмото ја повтори поддршката на САД за евроинтегративните процеси на Северна Македонија, а до Скопје и членките на ЕУ ги охрабри решенија за билатералните прашања да бараат надвор од евроинтегративните процеси.
“We encourage you, and EU member states, to continue to solve bilateral disputes outside the EU accession process while aspirants simultaneously progress through the opening and closing of chapters.” – Assistant Secretary Reeker in his letter to Prime Minister @Zoran_Zaev. https://t.co/JdBkM6rVZE
— U.S. Embassy North Macedonia (@USEmbassySkopje) November 29, 2020
– Ве охрабруваме и вас и земјите од ЕУ да барате решение за билатералите прашања надвор од интеграцијата на Северна Македонија во ЕУ, објави американската Амбасада на својот твитер налог, дел од писмото на Рикер.
Тој во него меѓу другото ја охрабрува Северна Македонија да остварува прогрес во аспирациите кон ЕУ интегрирањето со отворање и затворање на поглавјата во преговорите и додава дека САД се оптимисти дека првата меѓувладината конференција со Република Северна Македонија за време на германското претседателство со ЕУ ќе се одржи наскоро.
Ј. Ѓ.