Заев: Да работиме на регионална економска соработка и трговска интеграција

Премиерот Зоран Заев и владиниот економски тим одржа состанок со делегација на регионалниот Коморски инвестициски форум предводена од претседателот Марко Чадеж и заменик претседателот, Бранко Азески, соопшти прес службата на Владата. 

„Денеска ја имаме честа да ги удостоиме со наше гостопримство претседателот на Коморскиот инвестициски форум Марко Чадеж и претставниците на стопанските комори од регионот. Ќе одржиме заедничка средба на којашто ќе ги размениме искуствата, размислувањата и идеите за тоа како да ја интензивираме економската соработка помеѓу нашата земја, Република Северна Македонија и земјите од регионот. Ќе разговараме и за тоа како да ја подобриме конкурентноста на нашите економии преку поврзување на бизнис заедниците од 6-те земји во Западен Балкан, како да ја зголемиме трговската размена помеѓу нашите земји и да работиме на поголема регионална економска соработка и трговска интеграција“ – изјави премиерот Заев.

Вицепремиерот за економски прашања Кочо Анѓушев, пред состанокот со регионалниот инвестициски форум на Западен Балкан, го честиташе јубилејот на Стопанска комора на Македонија, која одбележува 97 години од постоњето, при што истакна дека ретки се институциите, како кои може да се пофалат со долговечност и траење од речиси еден век. Тој дополни дека денеска доделените признанија на одредени стопанственици по повод јубилејот ќе бидат поттик на компаниите за понатамошен раст и развој.

„Индустријализацијата на Република Северна Македонија се одвива во одлична насока, а тоа се покажува преку сите статистички параметри. Би сакал да ја истакнам значајноста на тоа што сите стопански комори од Западен Балкан се здружени, важно е коморите и компаниите од сите земји да соработуваат регионално. Суштински важно е да ние како регионо соработуваме помеѓу себе, а потоа да ја зголемуваме меѓусебната соработка со ЕУ и развиените земји, на тој начин помалку ќе тежиме на Унијата. Императив е да се забрза и подобри соработката помеѓу државите, но и помеѓу компаниите од земјите од Западен Балкан“ – подвлече вицепремиерот Кочо Анѓушев.

 




Измени на Законот за јавен долг

Поголема транспарентност, усогласување со меѓународните практики и поголем креидбилитет кај меѓународните институции и инвеститори се очекуваните ефекти од измените на Законот за јавен долг кои ги изработи Министерството за финансии, а кои се во собраниска процедура. Со измените се предлага враќање на негарантираниот долг во пресметката за јавен долг.

„Негарантираниот долг беше дел од пресметката на јавниот долг до 2014 година, кога со измени на законот беше изземен. Ова решение беше критикувано од ЕУ веќе во следните заеднички заклучоци од министерскиот дијалог во 2015 година. Беше критикувано и од тогашната опозиција и експертска јавност.Вклучувањето на негарантираниот долг во пресметката на јавниот долг е: прво во насока на поголема транспарентност, второ во согласност со препораките на меѓународните институции како ММФ, Светска банка, Европска комисија, и рејтинг агенции“, вели министерот за финансии Драган Тевдовски.

Законските измени предвидуваат и Министерството за финансии да врши кредитна анализа и проценка на кредитна способност на носителите на јавен долг при издавање на државна гаранција, согласно посебна пропишана методологија за проценка. Со ваквиот пристап се прави усогласување со правилата и законодавството на ЕУ при контрола при издавање на државни гаранции.

Измените на законот се во насока на заложбите на Министерството за финансии за прудентно управување со јавниот долг.

 




Заев вети дека одлуката за Иловица ќе се донесе заеднички со граѓаните

Жителите на Бослово и Ново Село на денешната средба со премиерот Зоран Заев и министерот за економија Крешник Бектиши порачаа дека рудникот Иловица не смее под никакви услови да проработи. 

Еден од главните аргуменити што граѓаните го посочија беше земјоделскиот крај, предвиден за изградба на раудникот, од каде зеленчукот се извезува во регионот. Заев и Бектеши беа прашани како ќе им ја гарантираат безбедноста на жителите доколку се изгради рудникот, како ќе се регулираат подземните води, дали воопшто ќе имаат слух за нивните барања, ако струмичкиот регион веќе се бори со загадениот воздух не мислат ли дека таа борба ќе биде уште поголема со работата на рудникот.

Премиерот Заев посочи дека при носењето на одлуките се води сметка за здравјето на граѓаните и тоа е првиот приоритет од којшто нема да има отстапки и дека на оваа информативна средба нема да се носат одлуки туку ќе се слушнат дилемите, размислувањата и ќе се споделат фактите и аргументите.

„.Кога се дигнаа граѓаните јас како политичар јавно реков, „стојам на страна на граѓаните, ваква работа ние нема да дозволиме, цијанид, сулфурни киселини, нема да дозволиме. Дали е кредибилен мојот збор зборува фактот што јас со моето семејство живеам во оваа струмичката котлина. Со моите граѓани од Муртино и Струмица живееме во истата струмичка котлина. Имам намера тука да живеам и тука од деца внуци да чекам. Нема да дозволам ниту моите деца, ниту кои било деца да патат и да имаат проблеми. После ваквата одлука се промени целиот технолошки процес. Отстранет е целиот технолошки процес на обработка со цијанид. Парламентот донесе и закон поттикнат токму од граѓаните“ рече премиерот Заев.

Министерот за економија Бектеши, под чија надлежност се минералните суровини го објасни процесот на доделување
на концесија кој се состои од неколку фази. Тој, исто така, истакна дека  министерството дало нов предлог до сите концесионери,
според новиот тарифник и висината на надоместоците што тие ги плаќаат за експлоатираната руда, згоемеи за  75%.

„Ова го правиме за општо добро на граѓаните, а големите профити компаниите треба да ги споделат заедно вас граѓаните, со вас општините“, изјаив Бектеши.

Сепак, оваа информативна средба сè уте не решава ништо, туку уште повеќе го прави незивесен целиот случај со Иловица. Заев им вети на граѓаните дека одлуката за рудникот ќе ја донесат заеднички.

Б. Ј.




Заев во Охрид: Најлесно е да се каже не. Но, тоа мора да заврши!

„Дури и да има некој формална причина, не смее да им се прават проблеми на граѓаните. Администрацијата мора да даде сѐ од себе да наоѓа решенија за граѓаните. Најлесно е да се каже не! Но, тоа мора да заврши! Не може со години да ви прави некој склекови. Кој сака нека биде! Смислата на постоењето на политичарите, државата и општините, е да бидат во служба на граѓаните, ние постоиме заради граѓаните!“ – рече премиерот Зоран Заев во својот емотивен одговор на граѓанка што постави прашање поврзано со работата на катастарот, на Трибината во Охрид „Силна економија, шанса за сите!“

Трибина во Охрид: Силна економија, шанса за сите! [01.02.2019]

Во живо од трибината во Охрид: Силна економија, шанса за сите!

Gepostet von Zoran Zaev am Freitag, 1. Februar 2019

На трибината во Охрид, тој ја извести јавноста и дека „постои волја од Владата, ЕЛЕМ и ЕВН да избришеме долгови за струја во вкупен износ од 110 милиони евра на 200.000 граѓани и семејства. Сите мерки коишто ги спроведуваме се во насока да ги вратиме парите назад кај граѓаните.“

Џ. Д.

 




Усвоен законот за јавни набавки

Собранието го усвои новиот Закон за јавни набавки кој ќе стапи на сила од април, со 57 гласа „за“, без гласови против и воздржани. Министерството за финансии соопшти дека новиот закон за јавни набавки е усогласен со легислативата на ЕУ и дека ќе обезбеди рационално трошење на државните пари, фер конкуренција и транспарентност при јавни набавки.

Со новиот закон е предвидено воведување на економски најповолна понуда како единствен критериум за доделување на договори при што во примената ќе бидат вклучени цената, само трошокот или најдобриот однос меѓу цената и квалитетот.

Д. М. 




Скопје ќе добие еко-автобуси на гас

ЈСП и Европската банка за обнова и развој ,ЕБОР,  денеска потпишаа договр за заем, као и општинска и државна гаранција за договорот за набавка на 35 нови нископодни еко-автобуси на гас.  Договорите ги потпишаа министерот за финансии Драган Тевдовски, заменик директорот на ЕБОР за општинска и еколошка инфраструктура Лин О’Грејди, градоначалникот на Град Скопје Петре Шилегов и директорот на ЈСП Кристијан Чушков.

ЕБОР ќе обезбеди 10 милиони евра преку заем, а 1,8 милиони евра од сопствени средства ќе обезбеди ЈСП. Автобусите ќе бидат вклучени во јавниот превоз најдоцна до почетокот на идната година.

Заемот е доделен под исклучително поволни услови – каматна стапка од ЕУРИБОР плус 1%, рок на отплата од 10 години со 3 години грејс период.

Министерот за финансии Драган Тевдовски посочи дека оваа инвестиција јасно ги отсликува определбите на Владата да вложува во проекти кои овозможуваат реални бенефити за граѓаните, но и доброобмислени проекти.

„Кога велам реални, мислам на проекти кои имаат реално влијание на економијата и подобрувањето на условите за живот на граѓаните. Нископодните автобуси на гас имаат значително помали емисии на јаглерод диоксид во однос на дизел-автобусите. Ова ќе придонесе во решавањето на проблемот со загадувањето. Под доброобмислени проекти подразбирам проекти кои ќе задоволуваат повеќе критериуми на подолг рок. На пример, новите автобуси ќе сообраќаат на поевтин енергенс во однос на двокатните. Исто така, ќе има заштеди и во однос на одржувањето“, изјави Тевдовски.

Градоначалникот на Град Скопје Шилегов рече дека одлуката за набавка на ваков тип автобуси ја донеле по спроведените тест возења на 3 различни модели на автобуси на гас и еден електричен автобус во текот на минатата година. Како што посочи, резултатите од овие тест возења покажале дека ваквиот тип на автобуси се еколошки, енергетски ефикасни и економски исплатливи.

„Обезбедувањето на одржлива урбана мобилност во градот, која целосно ќе излезе во пресрет на потребите на нашите сограѓани останува приоритет на кој планираме да останеме посветени и во иднина. Во таа насока работиме на подобрување на условите кои ги нуди ЈСП како сервис на граѓаните, а како резултат на тоа очекуваме зголемување на бројот на патници кои ќе го користат јавниот автобуски превоз. Тоа секако ќе придонесе за намалување на сообраќајниот метеж и што е најважно, ќе даде сериозен импакт во намалувањето на повеќе деценискиот проблем со аерозагадувањето“, рече Шилегов.

„На улиците ќе се вратат зглобните автобуси, кои имаат капацитет да превезуваат речиси двојно повеќе патници од двокатните, овозможуваат побрз проток на патниците низ возилото што влијае на скратување на времето потребно за задржување на постојките, што ќе овозможи и зголемување на фрекфенцијата на возилата. Во новите автобуси, ќе има можност и за валидација на најмалку две места во возилото. Сето ова, автоматски на граѓаните ќе им овозможи побрзо да стасуваат до крајните дестинации, отколку сега возејќи се со кинеските автобуси“, рече Чушков.

Според Чушков, се предвидува користењето на возилата на гас во голема мера да го намалат и загадувањето на воздухот, бидејќи тие емитуваат значително помалку CO2, а речиси и да не емитуваат PM10 и PM25 честички.

Б. Ј.




ДДВ ќе им се враќа на граѓаните од 1 јули

Премиерот Зоран Заев, на трибината во Велес „Силна економија – шанса за сите“ (26 јануари), најави дека концептот повраток на ДДВ за секој граѓанин подразбира секој да добие потрошувачка картичка која ќе евидентира сè што троши. 

„Секој граѓанин со тоа што ќе си врати 15% од ДДВ, ќе биде инспектор… Секој ќе биде принуден да издава фискална сметка. Проекцијата е дека дополнително, не помалку од 300 милиони евра ќе дојдат во буџетот. Не помалку од 150 милиони евра годишно ќе се вратат назад кај граѓаните“, изјави Заев.

Концептот повраток на ДДВ или 15% повратни средства од секоја фискална сметка за секој граѓанин, ќе започне од 1 јули оваа година.

Б. Ј.




Министерството за финансии вратило ДДВ во вредност од 375,6 милиони евра

Според СДСМ, економските мерки, предводени од оваа Влада, даваат резултат и се зголемува економскиот раст и повеќе пари завршуваат кај граѓаните и кај компаниите. 

„Тоа го потврдува уште еден податок. Во 2018 Министерството за финансии извршило поврат на ДДВ во вкупна вредност од 375,6 милиони евра. Во апсолутни бројки, минатата година назад во компаниите завршиле 60 милиони евра повеќе отколку во 2017 година. За разлика од претходните години на пример, кога поради криминалните политики на ВМРО ДПМНЕ, не се исплаќаше навреме, доцнеше и фирмите беа под притисок, денес повратот на ДДВ се реализира навремено и неселективно. Брзиот и неселективен поврат на ДДВ кон фирмите ја подобрува ликвидноста во стопанството, а со тоа се стимулираат инвестициите и отворањето на нови работни места“, стои во соопштението на СДСМ.

Тоа се совпаѓа со податоците и од Министерството за финансии. Според нив, заклучно декември 2018 година, Министерството за финансии изврши поврат на вкупно 23,1 милијарда денари (375,6 милиони евра). Тоа е за 3,7 милијарди денари (или 60 милиони евра) повеќе во однос на претходната година, или за 19,3% повеќе.

За редовен и автоматски поврат на ДДВ кон фирмите и пребивање на претплата на даноци кон сите даночни обврзници, Управата за јавни приходи направи Модул за автоматски поврат и пребивање.

„Со брз и неселективен поврат на ДДВ кон фирмите, се подобрува ликвидноста во стопанството, а со тоа се стимулираат инвестициите, отворањето на нови капацитети и нови работни места“ – изјави министерот за финансии Драган Тевдовски.

А. Петровска




Од мај патарините ќе се наплаќаат по електронски пат

Системот за електронска наплата на патарините во Македонија стигна до финалната фаза, по повеќе од 4 години од потпишувањето на договорот.

Наскоро треба да започне да функционира контролниот центар за мониторинг на наплатните станици, кој е лоциран до наплатната станица во Петровец и е ден од инвестицијата за модернизација на патарините која е тешка 18.6 милиони евра.

Контролиот центар служи за следење на работата на сите наплатни станици и за регулирање сообраќајот на автопатната мрежа во Македонија со цел да се олесни протокот на возила на патарините. Целосно модернизирани и проширени се наплатните станици кај Романовце, Отовица и Сопот, во завршна фаза се станиците кај Петровец и Миладиновци, додека Градско, Демир Капија и Гевгелија се во фаза на изградба.

Со електронска наплата која треба да стартува во мај се патарините на автопатот од Табановце до Богородица. Во втората фаза се планира да се додадат делниците од Скопје кон Гостивар, а дополнително треба да се изградат наплатните станици од Скопје кон Штип.

Се планира наплатата да се одвива електронски со користење на бесконтактни смарт-картички кои во прво време ќе може да се набават пред патарините, а подоцна преку продажна мрежа и ќе може лесно да се надополнуваат.

Корисниците кои често патуваат ќе имаат можност да набават микробранови транспондери кои ќе им овозможат да поминуваат низ наплатните станици без застанување, доколку се движат со брзина не поголема од 30км на час. Во првата фаза по имплементацијата на наплатните станици, наплатата ќе може да се врши и во готово. За спроведување и имплементација на системот за електронска наплата на патарини во Македонија во ноември 2014 беше ангажирана турска компанија Asel.

Ј. М. П.




Светски економски форум без познатите светски лидери

Оваа година во Давос, Швајцарија, Светскиот економски форум ќе помине без најголемите политички имиња во светот поради проблеми во нивните земји. 

Форумот ќе трае до 25 јануари и се очекува присуство на 3.000 луѓе од бизнис и политичката сфера. Се очекува присуство на германската канцеларка Ангела Меркел, јапонскиот премиер Шинзо Абе и италијанскиот премиер Џузепе Конте.

Американскиот претседател Дoналд Трамп го оправдал отсуството поради прашањето околу прекинот на финансирањето на администрациите во Вашингтон. Британската премиерка Тереза ​​Меј нема да присуствува поради кризата со договорот за Брегзит, а францускиот претседател Емануел Макрон поради големите протести во земјата.

На форумот ќе присуствува и македонска делегација предводена од премиерот Зоран Заев, вицепремиерот за економски прашања, Кочо Анѓушев и министерот за економија Крешник Бектеши.

Се очекува Заев да оствари средба со генералниот секретар на НАТО, Јенс Столтенберг и со еврокомесарот за проширување, Јоханес Хан.

На форумот во 350 јавни дискусии ќе се зборува за дигитализација, климатски промени, вештачка интелегенција, но и за зајакнување на светската економија.

Б. Ј.