18 февруари: СДСМ и ДУИ ја разгледуваат можноста за консензуален кандидат за претседател

Партии

Членството на крилото во „Беса“ предводено од Африм Гаши, побарало да се прекине судскиот процес за името на партијата, бидејќи ќе формираат нова партија која ќе го носи името „Алтернатива“.

Одлуката да му се препушти „Беса“ на Билал Касами е донесена на вчерашната средба на Централното собрание на крилото предводено од Гаши.

Внатрепартискиот раскол во „Беса“ настана по локалните избори во 2017 година, поради незадоволство од постигнатите резултати.

Претседателски избори

Во Клубот на пратеници денеска се сретнаа премиерот Зоран Заев и лидерот на ДУИ, Али Ахмети, да разговараат за предлози за консензуален кандидат за претседател на државата.

Средбата зад затворени врати за приближување на ставовите околу евентуален консензуален претседателски кандидат меѓу Заев и Ахмети заврши за само околу еден час, без консензус.

Консултациите ќе продолжат, до крајот на неделата ќе се знае дали ќе има заеднички кандидат, следната недела ќе се разговара за имиња и јавно ќе се обелоденат, рече Заев во крактата изјава по средбата.

И според Ахмети,  ова било само консултативна средба, на која се договориле со преговорите да продолжат секретарите на партиите. И тој потврди дека на денешната средба не се разговарало за имиња.

Одговарајќи на новинарско прашање, премиерот Зоран Заев откри дека на листата на претседателски кандидати на СДСМ се наоѓаат десет имиња за кои во моментов се прават анкети. Меѓу нив се пет имиња што на анкетите добиле поддршка од сите етнички заедници во земјата, меѓу кои се и Имер Селмани, поранешен вицепремиер и министер за здравство, и Теута Арифи, поранешна вицепремиерка за европски прашања и актуелна градоначалничка на Тетово.

ЦИВИЛ – активности

На дводневниот семинар за граѓански новинарки и новинари во организација на ЦИВИЛ – Центар за слобода, кој се одржа викендов во Велес, учестуваа 25 учесници од 11 општини од земјата.

Посебната комисија која ги верификуваше и одобри апликациите за учество на семинарот, внимателно ги селектираше учесниците имајќи ја предвид рамномерната регионална застапеност, како и разните општествени профили, со цел да бидат застапени најразлични професии, што е всушност и суштината на граѓанското новинарство во светот.

На овој дводневен семинар беа опфатени најразлични теми кои им помогнаа на граѓанските новинар(к)и да се стекнат со вештини и практични знаење од областа на новинарството, но и човековите права и слободи, изборните процеси и општествено политичките случувања. Тие исто така се запознаа со основите на изброниот мониторинг, и навременото и објективно информирање и известување за општествените и политичките процеси.

На семинарот беа претставени и новите компоненти на проектот, кои на слушателите им овозможуваат директно учество во имплементацијата на проектот, како на медиумската платформа, така и во работата на ЦИВИЛ како огранизација за човекови права.

Семинарот беше и вовед во започнување на имплементацијата на компонентата „медиуми на заедниците“ чија цел е да формира два тима што ќе бидат финансиски поддржани од ЦИВИЛ да започнат свој блог или веб страница со информативни содржини за локалните настани.

Д.Т.




Левица престана да сонува, престанавме и ние

„Го носам товарот на човек којшто го „гласале“, да им се извинам на оние луѓе коишто ме гласале, односно полагале надеж и доверба во мене. Ситуацијата и гротеската во која западна ем партијата, ем ние останатите како луѓе вклучени (иако лично не сум дел од раководните органи) во партијата, но и оние останатите кои не поддржувале, заслужува барем едно мало „извини“ и собирање на себеси, размислување и реобмислување на „себеси“ и на иднината (доколку постои нешто такво)“, по долго време се јави со статус на Фејсбук, Мариглен Демири.

Една година, редум, се изземам од какви биле коментари во врска со политичката партија чиј основач сум и човек којшто…

Gepostet von Mariglen Demiri am Montag, 18. Februar 2019

„Левица не требаше да изгледа (апофатички малку) како:

Збриштина на фрустрирани бели мажиња кои се дрецкаат од земја, при секое дразнењето на нервот на нивната опсесија со името, знамето, нацијата, јазикот и остала национална (и читај: националистичка) територија на симболи и знаци. Сме се обидувале и орлови нокти сме носеле да создаваме стратегии и визии за антинационалистички дејствувања и за ширењето на речта на класната и социјалната база пред националните вистини и потреби – тло, како што кажав претходно во коешто растат страшилата на десницата со едно брдо седименти на паронична и хистерична националистичка ксенофобија. Може само да се погледне профилот на „малиот наполеон“ нанижан со кумулација на лајкови на цела серија „отпадоци“ од десницата – односно оние коишто не ги сакаат ниту дома, а камоли во нивната партија (ВМРО де). Форум за застарени дебати кои историски се напластиле во купот од неуспешни обиди за промени и политички еманципации. Имаше период во кој неколку месеци се дебатираше дали ликот и делото на другарот „Стаљин“ е добро профилиран од страна на ревизионистичката методологија и теорија, пред се претставниците на ревизионизмот.“, напиша, меѓу другото, Мариглен Демири.

Д. Т.

 




Заев: Имер Селмани и Теута Арифи се на консензуалната листа на претседателски кандидати

Одговарајќи на новинарско прашање, Зоран Заев откри дека на листата на претседателски кандидати на СДСМ се наоѓаат десет имиња за кои во моментов се прават анкети. Меѓу нив се пет имиња што на анкетите добиле поддршка од сите етнички заедници во земјата.

На таа листа се наоѓаат Имер Селмани, поранешен вицепремиер и министер за здравство и Теута Арифи, поранешна вицепремиерка за европски прашања и сегашна градоначалничка на Тетово.

А. Зеќири




Заев-Ахмети ќе продолжат со консултации, консензус сѐ уште нема

Средбата зад затворени врати за приближување на ставовите околу евентуален консензуален претседателски кандидат меѓу Заев и Ахмети заврши за само околу еден час. Консензус, сѐ уште нема.

Консултациите ќе продолжат, до крајот на неделата ќе се знае дали ќе има заеднички кандидат, следната недела ќе се разговара за имиња и јавно ќе се обелоденат, рече Заев во крактата изјава по средбата.
И Ахмети во истиот дух. Според него ова било само консултативна средба, на која се договориле со преговорите да продолжат секретарите на партиите. И тој потврди дека на денешната средба не се разговарало за имиња.
Арбен Зеќири

 

 




Голем медиумски интерес за средбата Заев – Ахмети

Повеќе од 20 медиумски екипи ја следат средбата меѓу премиерот Зоран Заев и лидерот на ДУИ Али Ахмети. Над 15 се само телевизиски екипи, а освен нив има и новинари од портали, весници и други медиуми. Средбата за усогласување на ставовите околу евентуален консензуален претседателски кандидат се одржува зад затворени врати.

 

 

 




Мониторинг извештај на лицата со попреченост од Референдум 2018

Здружението за промоција и развој на инклузивно општество „Инклузива“ и Државната изборна комисија ќе одржат прес-конференција на 20 февруари со почеток во 12 часот. На прес конференцијата ќе бидат презентирани заложбите за создавање на инклузивни изборни процеси, извештајот, заклучоците и препораките од мониторингот од страна на лица со попреченост, како и искуствата на набљудувачите со попреченост на Референдумот во 2018 година.

Се очекува учество на претставници на ДИК, Министерството за локална самоуправа, Министерството за информатичко општество и администрација, Министерството за труд и социјална политика, како и на меѓународни и домашни организации кои работат на оваа проблематика, медиуми, граѓански организации и претставници на политички партии.

Б. Ј.




Започна средбата Заев-Ахмети

Пред неколку минути започна средбата меѓу премиерот Зоран Заев и неговиот коалициски партнер, лидерот на ДУИ, Али Ахмети, во Клубот на пратеници.

На денешната средба треба да се разговара за консензуалниот кандидат за председател на држава со кој ќе настапуваат заедно коалициските партнери. Неофицијално Ахмети ќе даде свое мислење за номинираните кандидати од редовите на СДСМ.

Ахмети на оваа средба е придружен од двата секретара од партијата, генералниот Атила Реџепи и организацискиот секретар Артан Груби. Заев дојде во придружба со Кирацовски.

А. Зеќири




Димовски во Брисел наместо на судење

Денешното рочиште за случајот „Талир“ во Кривичниот суд, беше одложено бидејќи обвинетиот пратеник Илија Димовски е на службен пат во Брисел, каде треба да присуствува на парламентарен состанок на генералното собрание на НАТО, од 17 до 21 февруари.

Обвинението за незаконско финансирање на ВМРО-ДПМНЕ е поднесено против Никола Груевски, Кирил Божиновски, Миле Јанакиевски, Илија Димовски, Леко Ристоски и Елизабета Чингаровска.

На Чингаровска нема да и се суди бидејќи доби двегодишна условна казна откако призна вина.

Во судницата остана празно и местото на Груевски, кој избега во Унгарија, но за сите процеси му се суди во отсуство. Од куќен притвор беа донесени Божиновски, Јанакиески и Ристовски.

Покрај обвинетите во судницата седеше и Игор Јанушев, генералниот секретар на ВМРО-ДПМНЕ.

Според обвинението тие незаконски добиле најмалку 4,6 милиони евра за партијата и потоа организирале тие пари да бидат уплатени на жиро-сметка на партијата преку уплатници на име на разни луѓе.

Поради отсуството на Димовски рочиштето е одложено за 7 март.

А. П.




Рајхард Прибе со почесна титула Profesor Honoris Causa

Рајхард Прибе денеска на Униферзитетот ФОН доби почесна титула Profesor Honoris Causa, која се доделува како признание за компетентност и исклучиви дострели на домашни и меѓународни личности во главните домени на човечката активност како што се науката и литературата, културата и општествените дејности, политиката, правото и економијата, администрацијата, финансиите, архитектурата, информатиката, уметноста, спортот…

На церемонијата присуствуваа членовите на Дипломатскиот кор во Република Македонија, Министерот Оливер Спасовски, Специјалната јавна обвинителка Фатиме Фетаи и голем број на студенти и гости.

Прибе е избран за редовен професор од Меѓународниот универзитетски совет на Меѓународниот универзитет за мир на ОН – Европскиот центар за мир и развој со седиште во Белград, кој има свои активности во повеќе држави од регионот. Во тоа својство тој држи предавања од право на Европската унија и е ментор на последипломски и докторски студии во повеќе единици на Европскиот центар за мир и развој, меѓу кои и во неговиот клон во Република Македонија.

Прибе е покануван како визитинг професор на наши универзитети, а држел предавања и на Првата сесија на Охридската школа на природно право на ЦСИ на МАНУ во Охрид, јуни 2017 година. Особено е значајно вршењето на неговата функција на директор за Западен Балкан во Генералниот директорат за надворешни работи и Генералниот директорат за проширување на ЕУ (2001–2006 година), што му овозможило најнепосредно да се запознае со состојбите, евроатланските перспективи и проблемите на Република Македонија и соседните држави-кандидати за членство во ЕУ и активно да учествува и помага во забрзување на нивниот евроинтегративен процес.

Врз таа основа, како претседавач на Високата експертска група за системски прашања за владеење на правото во Република Македонија во 2015 година – времето на кулминација на политичката криза во земјата, со своите аргументирани извештаи за причините на кризата и можностите за нејзиното надминување, прифатени од европските институции и политичките субјекти во Република Македонија, д-р Прибе оствари незаменлив придонес во стабилизацијата на македонското општество, враќањето на Република Македонија на патот на евроинтеграции и започнување на длабоки реформи во судството, јавната администрација, системот на безбедност, департизацијата на институциите и другите сфери на општеството.

По повод промоцијата на Д-р Прибе зборуваа Академик Владо Камбовски и Ректорот Проф. д-р Нано Ружин.




Дерала: Национализмот се користи како алатка за пари и моќ

„Сметам дека национализмот навистина е во подем, но се користи најподмолно, најнечовечки како алатка за пари и моќ. Како алатка да се стекне што е можно подобра позиција ов преговорите со оној што ја води власта на локално или на централно ниво. Не се вистински патриоти тие што пропагираат национализам, омраза, гасни комори, сатари … Знаеме и ги имаме сите аргументи да го потврдиме тоа дека тоа се само луѓе што сакаат повеќе моќ и повеќе пари“, изјави Џабир Дерала на конференцијата #Перспективи2019 во организација на ЦИВИЛ.

#Перспективи2019 се одржа на 13 февруари во Кино Култура, а свои излагања имаа германскиот амбасадор Томас Герберих и Министерката за труд и социјална политика, Мила Царовска, проф. Мирјана Најчевска, Џевдет Хајредини (поранешен министер за финансии), Александар Кржаловски (МЦМС), Мерсиха Смаиловиќ (Легис), Кочо Андоновски (Центар за поддршка на ЛГБТИ+) и Фатон Алити.  Освен, Дерала во име на ЦИВИЛ зборуваа Дехран Муратов и Биљана Јордановска.

Обработка на текст и монтажа: Б. Јордановска