Вечерва во 21:00 часот е закажена седница за одземање на пратеничкиот имунитет на пратеникот Трајко Вељановски од ВМРО-ДПМНЕ. Најкасно до полноќ ќе се донесе одлука за одземање или не на имунитетот на Вељановски.После дводневните дилеми, префрлување на одговорност и различни толкувања на законите и деловникот, председателот на Собранието, Талат Џафери одлучи да ја свикува 89-та седница за имунитетот на неговиот предходник, Трајко Вељановски.
Оваа одлука доаѓа откако вчера Комисијата за мандатни и имунитетни прашања ја заврши дискусијата неизвесно, со 4 гласа за и 4 против. Во моментот на гласањето отсуствуваше пратеникот на ДУИ Агим Шаќири, чиј глас бил клучен во гласањето. Тој не присуствувал на гласањето бидејќи бил во болница заради здравствени проблеми.
Арбен Зеќири