Фудбалската федерација на Македонија најостро го осуди говорот на омраза и дискриминацијата чија последна жртва е македонскиот репрезентативец и фудбалски амбасадор, Езџан Алиоски.
Ние како федерација и институција која е социјално одговорна и се залага за развој на позитивните вредности во општеството секогаш ќе стоиме на страната на правичниот третман и почитувањето, без оглед на верската, националната припадност, расата или бојата на кожата! Сите репрезентативци кои со гордост го носат националниот дрес се нашите најголеми амбасадори, и заслужуваат секаква почит! Уште еднаш сакаме да порачаме – Омразата не игра на наш терен! Да ја исклучиме и од нашето окружување! Ги повикуваме институциите на системот соодветно да реагираат на ваквите немили настани, со цел никогаш да не се повторат, се вели во соопштението на ФФМ.
Алиоски вчера заедно со своето семејство бил избркан од ресторан во Прилеп, од каде потекнува, бидејќи со зборувал на албански јазик.