Поранешната Специјална јавна обвинителка, Катица Јанева ќе бара одложување на издржувањето на седумгодишната затворска казна, најавува нејзината одбрана откако вчера Апелацискиот суд ја потврди првостепената судска пресуда за случајот „Рекет“ во кој освен Јанева беше осуден и Бојан Јовановски познат во јавноста како Боки 13, со што пресудата стана правосилна, пренесува Слободен Печат.
Нејзините адвокати велат дека ќе поднесат вонреден правен лек до Врховниот суд, но и дека кога ќе го добијат упатниот акт, ќе побараат одложување на издржувањето на затворска казна.