Претседателот на Собранието на Северна Македонија, Африм Гаши, изјави дека од 1 април се очекува да стапи на сила системот на едношалтерски премин меѓу Косово и Северна Македонија, исто како и меѓу Косово и Албанија.
Според Гаши, техничките подготовки се во завршна фаза, а веќе се договорени политичките и административните аспекти.
„Врз основа на информациите што ги имам, мислам дека тоа се последните подготовки. Опремата, софтверот се тестираат, зборуваме за финализирање од технички аспект. Во однос на политиката, администрацијата, протоколот се е во ред“, рече Гаши.
Тој рече дека овој договор ќе го олесни движењето на граѓаните, избегнувајќи двојни застанувања на границата.
