ВЕСТ НА ДЕНОТ
Украина го најави првото судење за воени злосторства на 21-годишен руски војник обвинет за убиство на 62-годишен Украинец
21-годишен руски војник, обвинет дека пукал во цивил на велосипед и го оставил мртов покрај патот, ќе биде првиот руски војник на кој му се суди во Украина за воени злосторства по инвазијата, изјави украинскиот јавен обвинител. Војникот е во украински притвор, а главниот обвинител Ирина Венедиктова го идентификуваше како наредник. Вадим Шисимарин. Според г-ѓа Венедиктова, ова го открила во својата истрага: Украинската разузнавачка агенција,СБУ.
ИЗЈАВА НА ДЕНОТ
Ковачевски: Веќе кажавме дека средба за предвремени избори не треба да се одржи зашто такво барање доаѓа во услови на најголема енергетска и економска криза. Ни претстои најтешката зима со која ќе треба да се справиме и за што деноноќно правиме планови. Во однос на отворање дијалог, еднаш кажав и уште еднаш ќе повторам – нормално е партиите да се гледаат, но во државата постојат институции. Институцијата што ги обединува е Собранието, а гледаме што се случува таму, има класичен бојкот и блокада што оневозможува низ парламентарна дебата да се разговара за унапредување на законски решенија
ВОЈНА ВО УКРАИНА
Руските трупи се обидуваат да упаднат на територијата на челичарницата Азовстал, каде одбраната ја држат украинските борци од гарнизонот Мариупол, објави Петро Андриушченко, советник на градоначалникот на Мариупол, на Телеграм
Во војната во Украина, што ја започна Русија, загинаа речиси 100 деца во текот на изминатиот месец, изјави заменик-извршниот директор на УНИЦЕФ, Омар Абди, на состанокот на Советот за безбедност на ОН за одржување на мирот и безбедноста во Украина
Украинската вицепремиерка Ирина Верешчук рече дека Турција се согласила да посредува во разговорите за евакуација на борците, главно тешко повредени, од фабриката Азовстал во Мариупол, а Киев би сакал да потпише документ за редоследот на оваа постапка
Високиот претставник на ЕУ за надворешни работи и безбедносна политика Жозеп Борел при пристигнувањето на средбата на министрите за надворешни работи на земјите-членки на Г-7 најави дополнителни 500 милиони евра помош за Украина преку Европскиот мировен механизам за купување тешко оружје, тенкови и артилерија
До средината на мај, повеќе од 6 милиони луѓе ја напуштија Украина поради руската инвазија. Уште 8 милиони станаа внатрешно раселени лица. Соопштено е дека украинските бегалци влегле во Европската унија преку граничните премини во Полска – повеќе од 3 милиони луѓе, Романија – 846.000, Унгарија – 539.000, Молдавија – 449,000, Словачка – 385.000, додека во Русија -703.000 и Белорусија – 25.000.
Стратешкиот пораз на Русија е веќе очигледен за сите во светот, па дури и за оние кои сè уште продолжуваат да комуницираат со нив. На Русија едноставно и недостига храброст да го признае тоа досега. Тие се кукавици. И тие се обидуваат да ја сокријат вистината зад ракетните, воздушните и артилериските напади. Затоа, наша задача е да се бориме додека не ги постигнеме нашите цели во оваа војна. Ослободете ја нашата земја, нашиот народ и сигурно обезбедете ја нашата безбедност, изјави украинскиот претседател Володимир Зеленски во синоќешното видео обраќање.
ФЛЕШ ВЕСТИ
АНТИКОРУПЦИЈА Членовите на Антикорупциската комисија на денешната седница побараа отчетност од Јавното обвинителството односно било каква да е одлуката што ќе биде донесена да бидат повратно известени и да знаат што се случува со нивните иницијативи. Бараат од ЈО да доставува одговор до Државната комисија за спречување на корупцијата (ДКСК) дали и како е постапено, а не само дека ќе се постапи во врска со нивните иницијативи.
ЕКОНОМИЈА Сивата економија во 2020 година е намалена во однос на 2006 година, а најголемите намалувања се случиле за време на финансиската криза во 2009 година и по воведувањето на минималната плата во 2012 година, покажува најновото истражување направено од Институтот за економски истражувања и политики „Finance Think“
СИНДИКАТ Сојузот на синдикати на Македонија не се согласува да се донесат законски измени кои би овозможиле недела да биде работен ден во туристичките центри. Постојното законското решение кое е на сила, велат од ССМ, е донесено по пат на дијалог, и тоа овозможува работа и во недела под одредени услови
ПРЕГОВОРИ На денешната нова преговарачка средба помеѓу Самостојниот синдикат за образование, наука и култура (СОНК) и Министерството за образование и наука нема да биде понуден нов процент за повисоки плати во образованието. Тема на преговарите ќе бидат колективните договори за основно и за средно образование, а за нова финансиска понуда ќе се разговара на почетокот на идната недела.
КОМИСИЈА По речиси една година откако Уставниот суд работи со намален број на судии поради испразнети места, денеска во Собранието почна седницата на Комисијата за прашања на изборите и именувањата, на чиј дневен ред е утврдување предлог за избор на уставни судии,
ЦРКВА Соборот на Српската православна црква (СПЦ), што почнува на 15 мај, ќе расправа за одлуката на васеленскиот патријарх Вартоломеј, кој ја призна Македонската православна црква како „Охридска архиепископија“ и има индиции дека владиците ќе одобрат таа повеќе да не се третира како „расколничка”, односно да дојде до канонско единство, дознава „Блиц”
ИНТЕРВЈУ
Со Тефик Махмут – борец за правата на Ромите, дипломец по меѓународно параво, магистер од Оксфорд, граѓански активист, претседател на политичката партија ОПРЕ РОМА, во рамки на Иницијативата „Чекор напред кон мултикултурно општество“ на ЦИВИЛ, разговараме на повеќе прашања поврзани со меѓуетничката состојба во Северна Македонија, недискриминацијата, промоција на европските вредности и што треба да содржи новата тригодишна Стратегија „Едно општество за сите“.
СЛОБОДНА ЗОНА
Ќе ги блокирале само законите што ним не им се допаѓаат. Не знам дали е свесен, но со дефиницијата за „активна блокада“ Мицкоски апла ги призна позитивните мерки и закони во интерес на граѓанките и граѓаните. И ја објасни работата на опозицијата – да ги критикуваат грешките на власта и да се противат на законите што не се во нивен или поширок интерес. Инаку, за што ги плаќаме? Рече дека понудил и свои „експерти“ да ѝ помагаат на власта и тоа „про боно“. А бе, џанам, Каритас!, пишува Џабир Дерала во колумната „ Сѐ си кажа Мицкоски, а и Данела ја пушти низ вода“.
Е мој народе, како да си за другите во некаков сон или барем во попладневна дремка, па кога се разбудиш оп, во друг свет си. Бугарската политика упорно вели дека сме се разбудиле некаде пред Божиќ 1945 година и место благонадежни Бугари сме почнале да се изјаснуваме како Македонци или според нив сме биле Бугари, ама тогаш не турнале во некаков колективен сон и во него сме бладале дека сме некакви Македонци, а после половина век таков сон сме си придодале и антички карактеристики, пишува Војо Маневски во колумната „Дремење“.
Д.Мишев