Categories

ХОНГ КОНГ Полицијата мора да престане со нападите врз новинари!

Репортери без граници ги повика властите во Хонг Конг да го спроведат законот и да ја почитуваат работата на новинарите кои известуваат за тековните демонстрации и да престанат нападите врз нив.

Неколку новинари кои известуваа од демонстрациите против законот за екстрадиција во Хонг Конг во изминатите неколку дена беа жртви на полициско насилство.

Здружението на новинари во Хонг Конг, кое доби најмалку 15 жалби, објави дека полицијата употребила рефлектори за да ги спречи снимањето фотографии и видеа и ги туркале кон металните бариери.

Репортери без граници ги повикуваат службениците за спроведување на законот во Хонг Конг да ја почитуваат слободата на печатот и да се воздржат од напади врз новинарите. Ако медиумите не можат слободно да ги покријат протестите, јавноста ќе треба да се потпре на неизбежните пристрасни информации што ги даваат властите или демонстрантите, вели Седрик Алвиани, шеф на бирото на Репортери без граници – Источна Азија, кој ги повикува властите да ги истражат овие инциденти и да не дозволат да се повторуваат.

Во овогодинешниот Светски индекс на слободата на печатот, Хонг Конг падна од 18 место во 2002 година на 73 место. Кина е рангирана на 177 место од вкупно 180 земји.

Print Friendly, PDF & Email