Пратениците на Гренланд се согласија да формираат нова влада, создавајќи широка коалиција со четири од петте парламентарни партии. Оваа коалиција, со 23 од 31 пратеничко место, има за цел да се спротивстави на напорите на американскиот претседател Доналд Трамп да добие контрола над островот. Договорот треба да биде официјално потпишан денес.
Американскиот потпретседател Џеј Ди Венс пристигнува на Гренланд за посета на американската вселенска база Питуфик, во време кога геополитичките интереси за Арктикот растат. Гренланд располага со значајни минерални ресурси и има стратешка позиција на воздушните и поморските патишта, што го прави клучен во геополитичките натпревари меѓу САД, Русија и Кина.
A.M.
