Во Македонија денеска ќе биде сончево со умерена облачност, студено и ветровито со умерен до засилен северозападен ветер.
Во североисточните делови ќе има услови за слаби врнежи од снег.
Утринската температура ќе се движи од минус 16 до минус 7, а дневната од минус 4 до 4 степени.
Во Скопје и околинта слично време со утринска температура околу минус 10, а дневната до минус два степена.
Од изутринава во поголемиот дел од земјата се зголеми облачноста и особено во Битолско, Полошко и Малешевијата беше особено студено.
Првите врнежи од снег се појавија од југозапад преку Преспа, а потоа и преку Охридско кон Пелагонија. До попладне врнежи од снег имаше и преку северните делови кон североисток и во делови од крајниот исток во Берово и Струмица. Преку денот дуваше понекаде слаб променлив ветер.
Во Маврово снежната покривка достигна 70 сантиметри, додека во Лазарополе има 40 сантиметри снег.
Преку ноќта врнежите од снег ќе се преместат кон истокот, а облачноста особено кон запад ќе се намалува. До изутрина ќе дува сè поинтензивен северозападен ветер, особено во регионот на Гевгелиско и на планините.