Делегација на Венецијанската комисија денеска се сретна поединечно со 5 парламентарни групи за да ги дознае нивните ставови околу законот за јазиците.
Од Делегацијата нема изјава, ниту пак пратениците кои беа на средба не кажаа што мисли комисијата за законот, бидејќи, според нив, делегацијата само поставувала прашања, но пратеникот на ДУИ Артан Груби смета дека и комисијата има позитивен став.
Во текот на средбата тие имаа прашања за одредени членови. Според тоа што прашањата, мојата констатација е дека законот е добар законски текст што овозможува граѓанска и јазична еднаквост и не чувствува никаква загриженост поради нивните гледишта кои треба да ги презентираат, изјави Груби.
Ставот на ВМРО-ДПМНЕ за законот и понатаму е ист, односно имаат забелешки за начинот на кој беше донесен Законот за јазиците.
Забелешките кои ги доставија групата на пратениците на Алијанса за Албанците и Движење Беса, беа за дефиницијата „20%“, што според Зиадин Села е навредливо и има карактер на привремено право. Лидерот на Алијансата за Албанците смета дека идејата за Венецијанската комисија имаше за цел усвојувањето законот за јазиците да се одложи по Спогодбата со Грција.
„Забелешките се однесуваат на дефиницијата за албанскиот јазик. Ние како политички субјект настојуваме повторно, со уставните измени да нема навредливи дефиниции за албанскиот јазик зашто не може да има јазик кој го зборуваат над или под 20%, бидејќи така добива форма на привремено право. Овој јазик е јазикот што го зборуваат Албанците и тоа е албанскиот јазик. Тоа треба да се регулира со Устав- изјави Зиадин Села претседател на Алијанса за Албанците.
Најспорен дел од дискусијата беше членот 8 од Законот со кој се уредува употребата на албанскиот јазик на банкнотите и полициската униформата.
