од корнер: ЗОРАН ИВАНОВ
Веста во сенка од вчера е: Висок владин функционер си даде остравка поради обвинение за мито. Значи се можело. Но тоа не секој од високите ешелони на власта. Некои уште се прават дека не се од тука.
Муса и Ременска, двајца високи државни службеници со обвиненија за мито, за корупција. Два примера за две идентични состојби. Но и два различни политички карактери. Првиот со сигнали за европски скрупули, вториот со потврда за балкански вредности.
Во предвечерјето на судбоносната одлука од самитот на Унијата на која европејците решаваат за патот на Македеонија, одлучуваат за тоа ќе не`биде или не, ќе не земат ли под свое или поради митото, корупцијата и сите други можни фоми на криминал ќе не`откачат, стаса веста за заменик министерот за здравство Асим Муса.
Кадарот на владејачката ДУИ е тајно снимен од подметнувач на мито за лекување на странски државјанин во земјава под поволни финансиски услови. Бараните наводни илјада евра за оперативната медицинска услуга е видео документирана.
Но, побарал ли мито заменик министерот или е наместен, во случајов за поентата на текстов е небитно. Битното е што по објавувањето на снимката, владиниот функционер си поднесе оставка веднаш. Човекот не чекаше ниту ден плус . Јавно и лично на прес со едноставно образложение истрагата да не биде оптоварена со неговата политичка и државна и функција.
Виновен или невин, алчен за пари или наместен со пари, за тоа инстируциите. За тоа обвинителството, истрагата, судот. Овде поентата е во тоа што високиот владин службеник, заменик министерот за здравство Асим Муса од редовите, не влечкајќи ја јавноста за нос, не расврлувајќи се со бранителски изјави и не сеејќи магла наоколу, едноставно си даде оставка со исто така едноставно образложение – да ја докаже својата невиност пред правдата со истрага неоптоварена од неговата актуелна висока политичка позиција.
Една идентична, а сепак спротивна појава е со исто така висок државен функционер. Дури и уште повисок. Со пратеничката и потпретседателка на Собранието од редот на владејачката СДСМ,Фросина Ременски. Обвинета во аферата Рекет, со замрзнат пасош и со мерки за претпазливост. Секако, невина е се додека вина не сооптши судот.
Но, очигледно, народната пратеничка не е ниту политички ниту човечки карактер од типот на заменик министерот за здравство. Од неа, еве веќе и по половина месец, ниту сигнал за оставка од државните функции ниту бутур.
Ете, два примера за етичност на личности на високи политички позиции. Без оглед на вината или невиноста, првиот со европски скрупули.
Поради вториот и нему балкански сличните, тука сме каде што сме.
Преземање на содржините e ЗАБРАНЕТО (!!!), освен со писмена дозвола од ЦИВИЛ и тоа исклучиво според Условите за користење, авторски права и заштита на приватноста. Повредата на авторските права е забранета со закон.
Со преземање на било која содржина објавена на ЦИВИЛ Медиа, спротивно на Условите, се согласувате на ЦИВИЛ да му исплатите надоместок од 25.000 денари во рок од осум дена по преземањето на содржината. Оваа обврска не застарува, а за секое доцнење на исплатата ќе биде пресметана соодветна законска камата.
Доколку некоја содржина е потпишана со ЦИВИЛ Тим за комуникации, тогаш преземањето е дозволено во целост.
