Капетанот на товарниот брод Солонг, кој беше уапсен откако удри во танкер со нафта кај брегот на Англија е руски државјанин, изјави во средата сопственикот на бродот Ернст Рас, објави Си-ен-ен, пренесува ЦИВИЛ Медиа.
Британската полиција во вторникот отвори кривична истрага за несреќата и уапси 59-годишен маж под сомнение за убиство од небрежност.
Портпаролот на Ернст Рас изјави за Си-Ен-Ен дека уапсениот е капетан на Солонг и дека е руски државјанин.
„Газдата и целиот наш тим активно помагаат во истрагата“, рече портпаролот.
Бродот Солонг во понеделникот удри во бродот Stena Immaculate кој плови под американско знаме, запалувајќи ги двата брода што ги зголеми стравувањата за можна еколошка катастрофа, и поттикна итен спасувачки напор од страна на британската крајбрежна стража.
Се претпоставува дека еден член на Солонг е мртов, но 13-те други членови на екипажот се безбедни и се води сметка за нив, според Мајк Кејн, британскиот министер за поморство. Целиот екипаж од 23 лица на Stena Immaculate – кој превезуваше 220.000 барели авионско гориво – исто така беше спасен, рече тој.
Д. Мишев
