Откако Судот на Босна и Херцеговина им одреди притвор на претседателот на Република Српска Милорад Додик, на владата Радован Вишковиќ и на Народното собрание Ненад Стевандиќ, беше распишана централна потерница откако тие не одговорија на рочиштето за случајот во кој се обвинети за нарушување на уставниот поредок,јавуваат српски медиуми, пренесува ЦИВИЛМедиа.
Судот на Босна и Херцеговина со денови речиси и да не дава никакви информации за случајот, оставајќи се на медиумски шпекулации, а потоа излегоа со стриктно соопштение во кое наведуваат дека можат само да потврдат дека е донесена одлука со која е прифатен предлогот на Обвинителството на Босна и Херцеговина, со кое се определи мерка притвор за осомничените Додик и Вишковиќ, Стеванди.
„За сите други информации ќе бидете известени кога ќе се исполнат условите“, соопштија од Судот на Босна и Херцеговина.
Веднаш по информациите за издавање на налогот, властите на РС влегоа во процедура за формирање на субјектот гранична полиција, кој е во исклучива надлежност на државните органи.
Формирана е Работна група, која го одржа првиот состанок во врска со изготвувањето на законот со кој ќе се регулира работата на граничната полиција на територијата на Република Српска. Правната рамка на која работи Работната група ќе биде исклучиво во согласност со Дејтонскиот договор и неговиот Анекс 2“, напиша Додик на социјалната мрежа Х.
Додик се осврнува на периодот веднаш по војната до 2000 година, кога границата на РС била контролирана од ентитетската полиција, а како што тврди тогашниот висок претставник Волфганг Петрич, надвор од Дејтонскиот мировен договор, ја наметнал државната гранична служба.
Од Сараево стигнуваат предупредувања дека ова е уште еден потег што дополнително го прекршува Дејтонскиот мировен договор и одлуките прифатени од српските претставници во Парламентот на БиХ за време на реформскиот процес.
Според ДВ, одредени медиуми деновиве најавија заминување на Додик во Москва, но официјално соопштение нема. Сепак, во круговите блиски до Додик се смета дека за време на разговорот на американскиот и рускиот претседател Доналд Трамп и Владимир Путин би можело да се разговара за ситуацијата во БиХ и позицијата на РС. Од друга страна, сигурна поддршка доаѓа од Србија, речиси секојдневно од претседателот Александар Вучиќ. Тој вели дека ситуацијата во Босна и Херцеговина е се потешка, но дека за се ќе „разговара со европските пријатели“.
Според достапните информации, во Србија е и претседателот на Народното собрание на РС, Ненад Стевандиќ, кој минатиот викенд, на денот на големите студентски протести, ја посетил групата наречена „студенти кои сакаат да учат“ од владата. Пред тоа, Стевандиќ се сретна со претседателката на српскиот парламент, Ана Брнабиќ, со која разговараше за актуелната политичка ситуација и им даде поддршка на српските власти во, како што рече, „обидот за рушење на државата“.
Д. Т.
