Основниот кривичен суд Скопје им изрече условна затворска казна на лицата А. Н. и М. К. , кои на 9 јули, годинава, нападнаа новинарската екипа на телевизијата Алсат. Инцидентот се случи за време на големиот пожар на дивата депонија во скопско Визбегово, додека новинарите беа на терен и известуваа за сериозното загадување на воздухот.
Двајцата обвинети признале вина пред Судот и се согласиле со сите обвинувања за кои ги товари Јавното обвинителството.
Судот ги прогласи за виновни и му изрече три години условна казна на А. Н. и една година и три месеци условна казна на М. К. Доколку не ги почитуваат условите на казната, тие ќе бидат спроведена како ефективен затвор, пренесе МИА.
