Институтот за општествени и хуманистички науки – Скопје ќе одржи промоција на публикацијата „Поларизацијата како средство за популистичко владеење и како да се надмине: Анализа базирана на македонскиот случај на социо-политичките напори за надминување на состојбата на „заробена држава” како главна одлика на управувањето” на 17 октомври, четврток, во 12 часот, во просториите на Институтот.
Публикацијата е резултат на повеќегодишно следење и анализа на состојбата со „заробената држава” во Република Северна Македонија, популистичките изблици на политичките елити, мобилизацијата на популистичкиот дискурс во создавање на политички непријатели, манипулација со емоциите и создавање поделби во јавниот простор (медиумите, социјалните мрежи итн.). Публикацијата претставува аналитички и фактографски обид за справување со феномените на популизмот и дискурзивната креација на политичкиот Друг.
Промотор на публикацијата ќе биде д-р Гордан Георгиев, раководител на проектот, а свои коментари во дискусијата ќе даде Ана Петрушева, директор на Балканската истражувачка репортерска мрежа (БИРН) Македонија.
Оваа публикација исто така претставува завршен документ на проектот чиј главен фокус е во областите на помирување, транзициска правда и деполаризација на јавниот дискурс кој Институтот го реализираше изминатата година во соработка со фондацијата National Endowment for Democracy (NED).
