Во услови на пандемија на светско ниво, предвремените парламентарни избори во Р. Северна Македонија се одржуваат на начин поинаков од претходните избори. Со цел да се зашитите најпрво здравјето на гласачите, но и сите останати во изборниот процес, овие избори ќе се одржат под строги здравствени протоколи. За таа цел, граѓаните треба да одржуваат дистанца 1.5 до 2 метри додека чекаат да влезат, и да носат заштитна маска при влезот во избирачкото место. На влезот, треба да се дезинфицираат рацете со средство за дезинфекција. После предавање на својот документ за идентификација, тие треба да се оддалечат на соодветна дистанца (1.5 метри) од членот на избирачкиот одбор кој ја вржи идентификацијата, и да ја симнат макската за кратко, за да може да се утврди нивниот/нејзиниот идентитет. После ова, ја враќат својата маска на лицето. Правото на глас го остваруваат индивидуално (позади параван). По ставањето на листот со својот глас во гласачката кутија, го подигаат својот документ за идентификација, ги дезинфицираат рацете уште еднаш, и го напуштаат избирачкото место. Ваквиот протокол им обезбедува на гласачите максимална заштита во процесот на остварување на правотото на глас. Дополнително, постојат и протоколи за: често проветрување на гласачкото место, членовите на избирачкиот одбор редовно да ги дезинфицираат рацете и да ја менувааат зашититната опрема во текот на денот, во просторијата да бидат присутни само онолку гласачи колку што има паравани и слично. Целиот процес е безбеден за сите учесници. Граѓанките и граѓаните ќе бидат целосно заштитени од, и притоа не постои простор за страв за да се излезе на гласање поради епидемијата со вирусот Ковид-19.
Општинските изборни комисии прифатиле 716 барања од лица позитивни на коронавирусот или во самоизолација за гласањето што треба да се спроведе денеска во рамки на предвремените парламентарни избори в среда на 15 јули.
До ОИК пристигнале преку 770 вакви барања, а денеска, од вкупно 80 општини во 57 ќе гласаат заболени од Ковид-19 и лица во самоизолација.
