Осомничениот за пукањето во два наргиле барови во Германија, во кое загинаа девет лица, а кои подоцна изврши самоубиство, оставил проштално писмо во кое се изразуваат екстремни десничарски погледи.
Германскиот весник „Билд“објави дека мажот што го идентификува како Тобијас Р., оставил видео порака во која презема одговорност за нападот.
Тој беше пронајден мртов во неговиот стан во Ханау по нападот, соопшти полицијата.
Германското федерално обвинителство соопшти денеска дека постојат индиции дека напаѓачот кој уби девет лица во барови во Ханау, на 20 километри од Франкфурт, имал ултрадесничарски мотиви и поради тоа, истрагата се води за тероризам.
– Врз основа на што досега го знаеме постои ксенофобична основа поради која тој ги извршил нападите, изјави Петер Беут, министер за внатрешни работи на сојузната покраина Хесен.
Полицијата соопшти дека верува оти напаѓачот се вратил дома по нападот и се застрелал.Напаѓачот, како што хави ДПА поседувал легално огнено оружје.
Извор: МИА
