Администрацијата на американскиот претседател Џо Бајден ја истражува можноста за укинување на дел од барањата за виза за руските експерти, со цел да се олесни нивниот влез во САД и на тој начин да се ослабне рускиот високотехнолошки потенцијал, објави Блумберг, повикувајќи се на неименувани извори.
Администрацијата на Бајден побарала од Конгресот начин да го отстрани условот за докажување на вработување за високообразованите Руси кои бараат работни визи за САД. Со тоа Белата куќа очекува да го лиши руското раководство од „научници, инженери и математичари“.
Блумберг наведува дека се планира укинување на визите магистри и доктори со искуство во полупроводници, вселенска технологија, кибербезбедност, модерно производство, нуклеарна технологија, развој на вештачка интелигенција, ракетна технологија и голем број други области.
Неименуван претставник на Советот за национална безбедност на Белата куќа потврди за Блумберг дека мерките имаат за цел „да ги ослабат високотехнолошките ресурси на Русија на краток рок и да ја поткопаат нејзината долгорочна инвестициска база на долг рок, како и да имаат корист за економијата и да ја зајакнат националната безбедност на САД“. /МИА/
