Лекарска битка во редовите на албанските партии ќе се одвива на овие парламентарни избори. Познати ликови ќе ги соблечат белите мантили и ќе се сликат за предизборната кампања и до 12 април ќе истрчат по нивните досегашни пациенти за тие овој пат да им пишуваат “упатство” за влез во Законодавниот дом.
Освен традиционалните лекари-пилитичари, на овие избори, во листите на кандидати за пратеници ке читаме и нови имиња за политиката, но многу познати во здравството.
Албанската партија на власт, ДУИ, освен Бујар Османи, на предвремените парламентарни избори размислува да го кандидира и Илир Хасани, директорот на Ургентниот Центар кој стана уште по познат со третманот и помошта на настраданите од собраќајната трагедија во Ласкарце. Тој последно време се појавува и како главен лик и во случајот со експлозијата во Романовце. Османи и Хасани се меѓу предложените кандидати за првата и втората изборна единица.
На една од овие единици, конкретно на првата, носител на листата на коалицијата меѓу Алијансата на Албанците и Алтернатива, се спомнува и името на стоматологот Беким Сали кој е претседател на огранокот на Алтератива во Чаир. Од оваа партија, на овие избори има шанси да се вклучи барем уште еден од двајца лекари од шестата изборна единица. Од Тетово, Алтернатива има двајца актуелни функционери кои доаѓат од лекарската фела, актуелниот пратеник Неџбедин Каремани и министерот за култура, Хисни Исмаили.
Еден од нив неофицијално се очекува да биде на кандидатската листа на коалицијата во 6-та изборна единица. А во оваа единица лекарите ке бидат најистакнати во кандидатските листи и исто како на втората, и тука ке бјдат и носители. Од истата коалиција меѓу Алијансата на Албанците и Алтернатива, носител ке биде претседателот на првата, Зиадин Зела а негов против кандидат од листата на ДПА ќе биде претседателот на оваа партија, Мендух Тачи, кој е од најстарите политичари во албанскиот блок но кој никогаш не облекол бел мантил пи завршување на студиите по стоматологија.
Иако овој пат ќе бидат во најголем број, сепај ова нема да биде прв пат албанските партии на прва линија од предизборниот фронт да ги извадат лекарите.
Во минатото кординатор на пратеничката група на ДУИ беше лекарот Неџати Јакупи, а еден од пратениците и заменик министер за одбрана Арбен Лабеништи од Струга кој потоа премина во Алтернатива и сега е во најтесниот круг на врвот на оваа партија. Од ДПА на овој пратенички состав беше и Мерале Ферати Узеири за која нема официјална потврда дали и на следните избори ќе се кандидира во листата за пратеници од истата партија.
А. Зеќири
