На 87-та седница на Државната изборна комисија (ДИК) попладнево беа разгледани 45 барања за изземање од извршување на должноста претседател, заменик претседател, член или заменик член на општинските изборни комисии за претстојните избори.
Прифатени беа барањата на тие што имаат докази за да бидат изземени – поради престанок на работен однос односно статус на државен службеник, пензионирање, здравствени или семејни причини или поради промена на живеалиште.
На местото на тие чие изземање беше прифатено од ДИК, по случаен избор на седницата беа избрани други лица за претседател, заменик претседател, член односно заменик член на општинските изборни комисии.
Фото: Принтскрин
