Охридскиот, Преспанскиот и Договорот за добрососедство, ветингот, владеењето на правото и неселективната правда, интеграцијата, работните места, развојот и младите, се дел од темите на кои се разговараше на денешната средба на претседателот на Демократската унија за интеграција (ДУИ), Али Ахмети со специјален претставник на германското Министертсво за надворешни работи за Југоисточна Европа, Турција и земјите од ЦЕФТА, Сузане Шутц и амбасадорот на Германија во Скопје, Томас Герберих.
Како што соопшти ДУИ, Ахмети на средбата истакнал дека и листите за пратеници ќе бидат со повеќе од 90 отсто нови кандидати, што прв пат ќе се тркат на парламентарни избори.
„Германската помош не отсуствуваше за нашата земја и регионот и за ова сме многу благодарни, сега очекуваме заокружување за датумот за отпочнување на преговорите со Европската Унија во март. Германија го поддржува отворањето на преговорите за членство на Северна Македонија и Албанија во Европска Унија“, истакна Ахмети на средбата.
Претседателот Ахмети оценил дека во нашата земја гласачите се уште гласаат според етничка определба.
ДУИ работи, како што се посочува во партиското соопштение, за добивање на довербата од граѓаните и за да продолжи со напорите за побезбедна иднина, развој, работни места, квалитет на живот, младите и неселективна правда.
