Зоран Заев денеска продолжува со разговорите и консултациите со коалиционите партии околу за можноста за заеднички кандидат на престојните претседателски избори.
Заев ќе одржи работна средба со претседателот на новоформираната партија „Алтернатива“, Африм Гаши, со почеток во 15 часот, а во 16 часот, ќе се сретне со претседателот на ДПА, Мендух Тачи.
Заев и Ахмети вчера се договорија дека ќе продолжат со консултации, но немаше кончен договор за консензуален кандидат. Заев откри дека на листата на претседателски кандидати на СДСМ се наоѓаат десет имиња за кои во моментов се прават анкети. Меѓу нив се наоѓаат Имер Селмани, поранешен вицепремиер и министер за здравство и Теута Арифи, поранешна вицепремиерка за европски прашања и сегашна градоначалничка на Тетово.
Б. Ј.
