Тасулас, пратеник ветеран кој ја претставува областа на Јанина, со рекорден број гласови, 283 од 298 присутни пратеници, кандидатот од Нова демократија, Константинос Тасулас утрово беше избран за нов претседател на грчкиот Парламент, јави дописничката на МИА од Атина.
Пратеничките групи на Нова демократија, СИРИЗА, Движење на промена, Грчко решение и МЕРА25 гласаа „за“ изборот на Тасулас, а 15 пратеници од Комунистичката партија беа воздржани.
Денешната мнозинска поддршка за единствениот кандидат од владејачката Нова демократија, е рекорд за грчкиот Парламент.
Во 2015 година, тогашната пратеничка на СИРИЗА, Зои Константопулу, беше избрана за претседателка на Парламентот со 235 позитивни гласа.
Конзервативците од „Нова демократија“ на Киријакос Мицотакис победија на изборите од 7 јули, а во грчкиот Парламент вчера положија заклетва.
„Нова демократија“ обезбеди 158 пратеници во составот на новиот 300-член грчки Парламент.