пишува: МАЈА ИВАНОВСКА
Додека македонската јавност се занимава со последната изјава на премиерот Зоран Заев, која предизвика бурни реакции, во скопски Аеродром, синоќа е убиено 17 годишно момче.
Младиот Никола Христовски, според информаците од МВР е убиен од врсник, по некаква банална кавга. Но, за згаснатиот млад живот, нема реакции во јавноста, ни оддалеку такви какви што се реакциите за употребата на зборот „педер“ од премиерот Заев.
Оваа вест остана како само уште еден случај од црната хроника на полицискиот билтен.
Не така одмана, јавноста бурно реагираше на ваквите случувања во нашето општество, а сега се чини дека некако се навикна на овие трагедии. Нема реакции ниту од државните институции, ниту од невладиниот сектор. Штама! Општеството ни е толку заслепено од дневно-политичките случувања, што едноставно заборави на младите. Декларативната заложба на владата за задржување на младите во земјата од оваа денешна перспектива изгледа не само подзаборавена, туку можеби и контрапродуктивна.
Малкумината кои објавија повеќе детали за синоќешното убиство, повторно се обидуваат да создадат слика за уште еден настан поттикнат од етничка нетрпеливост, а со тоа и да додадат сол на раната.
Ало педери, ни умре уште едно дете!
Преземање на содржините e ЗАБРАНЕТО (!!!), освен со писмена дозвола од ЦИВИЛ и тоа исклучиво според Условите за користење, авторски права и заштита на приватноста. Повредата на авторските права е забранета со закон. Врз основа на договор за соработка, оваа содржина е достапна за Плусинфо и Слободен печат без ограничувања.
