Синдикатот на културата на Република Македонија во вториник, 8 октомври, со почеток во 12 часот во паркот Ибни Пајко организира протестен марш за нов општ Kолективен договор во културата.
СКРМ маршот го најавува како последно предупредување пред најавениот штрајк и ги повика сите вработени во културата, културни работници и останати, солидарно да се приклучат кон барањата за регулирање на работните односи во културата после цели 14 години откако е потпишан последниот колективен договор.
„Изминуваат 14 години од последниот гранков колективен договор во културата. Четиринаесет години без јасно дефинирање и групирање на работни места во институциите, без правична валоризациjа на трудот во сите дејности, без прецизно поставување на критериумите за безбедност и здравје при работа, без додатоци од плата, теренски и службени дневници… Четиринаесет години без достоинствени плати за сите вработени“, велат од СКРМ.
Маршот ќе започне од паркот Ибни Пајко (во кругот на НОБ, Филхармонија и Даут Пашин Амам), ќе продолжи кон зградата на Владата и ќе заврши пред Министерството за култура.
СКРМ повикува: „Напуштете ги работните места за миг и излезете на улица за вашите права! Да не дозволиме уште едно ветување да не биде исполнето и да влеземе во уште една година без потпишан Колективен договор. Да излеземе масовно и да испратиме порака дека бараме КОЛЕКТИВЕН СЕГА!“.
М. И.
