Премиер Зоран Заев му ја честиташе победата на лидерот на албанските социјалисти Еди Рама, со која тој обезбеди трет последователен мандат.
– Премиерот на Северна Македонија, Зоран Заев, победата на Рама му ја честиташе на албански јазик, пренесуваат албанските медиуми, наведувајќи дека Заев е меѓу првите кои му ја честита убедливата победа.
Потсетуваат дека Заев преку видеопорака ги повикал Македонците и другите граѓани во Албанија да гласаат за Социјалистичката партија и за кандидатот Васил Стерјовски, лидер на Македонска алијанса за европска интеграција(МАЕИ), кој беше на кандидатската листа на оваа партија во округот Корча.
Congratulations to my dear friend @ediramaal on election victory. North Macedonia and Albania will continue forward even more bravely as NATO allies and towards the European integration agenda. Our region has a bright future through joint intensive cooperation! 🇲🇰🇦🇱🇪🇺
— Зоран Заев (@Zoran_Zaev) April 27, 2021
Посочуваат исто така дека „двајцата лидери имаат голем придонес во унапредувањето на билатералните односи и соработка во интерес на граѓаните на двете земји“.
Социјалистичката партија на неделните избори освои 74 од 140 пратенички мандати колку што брои албанскиот парламент.
Победата на Рама му ја честитале и турскиот претседател Реџеп Таип Ердоган, грчкиот премиер Кирјакос Мицотакис, италијанскиот министер за надворешни работи
Ди Маио и лидерот на италијанската опозиција Матео Салвини.
