Вработените во Врховниот, Вишиот и Апелацискиот суд во Подгорица денеска се евакуирани од зградата во која се сместени трите институции поради закани за поставена бомба.
Од канцеларијата за односи со јавноста на Врховниот суд за подгоричкиот портал „Вијести“ изјавија дека полицијата која ја обезбедува зградата на трите судови добила закана за наводно поставена експлозивна направа.
-Зградата се евакуира поради закана за бомба, изјави Марија Раковиќ, независен советник за односи со јавноста на Вишиот суд во Подгорица.
Таа додаде дека рочиштата се одложуваат.
На лице место се испратени антидиверзантски полициски екипи кои во моментов вршат увид во објектот.
