Научниците откриле протеин од отпорни бактерии кој би можел да ја револуционизира поправката на оштетената ДНК, нудејќи потенцијални откритија во лекувањето на ракот и генетскиот инженеринг.
Научниците идентификувале протеин кој може директно да го сопре оштетувањето на ДНК, со ветувачки потенцијал за развој на вакцина против рак. Станува збор за протеин наречен „ddrc“ (протеинот одговара на оштетувањето на ДНК Ц) и кој е откриен во „Deinococcus radiodurans“, бактерија познаа по својата отпорност. Ddrc ефективно открива оштетување во ДНК, го сопира и започнува процес на поправка, а сето тоа без потреба за помош од други протеини, пренесува Локално.мк
Научниците од Универзитетот Вестерн во Канада покажале дека генот „ddrc“ може да се пренесе на други организми за да се подобрат системите за поправка на ДНК. Внесен во бактеријата Е. коли, ја направил таа бактерија повеќе од 40 пати поотпорна на оштетувањата од УВ зрачење, според биохемичарот Роберт Сжабла, главен автор на истражувањето кое е објавено во списанието „Nucleic Acids Research“.
Изгледа дека ова е редок пример каде имате еден протеин и каде тој е како самостојна машина, истакнал тој.
Оштетувањето на ДНК, ако не се контролира, може да доведе до разни болести, вклучувајќи и рак. УВ зрачењето, на пример, може да ги оштети ДНК клетките на кожата, зголемувајќи го ризикот од рак на кожата. Спречување или поништување на таквата штета има потенцијал за спасување на живот.
Способноста за преуредување, уредување и манипулирање со ДНК на специфични начини е „Свет грал“ во биотехнологијата, вели Сжабла, истакнувајќи го значењето на новото откритие.
