Во своето прво интервју по неговата победа, новоизбраниот претседател Доналд Трамп рече дека „не постои цена“ за неговите планови за масовна депортација.
Зборувајќи за NBC News вчера, тој рече дека неговиот прв приоритет би бил да ја направи границата „силна и моќна“, а неговата администрација нема да има „никаков избор“ освен да изврши масовни депортации.
Ако американската администрација можеше законски да продолжи со плановите за масовни депортации, властите сè уште ќе требаа да се борат со огромни и скапи логистички предизвици. Експертите проценуваат дека ќе чини милијарди долари за да се депортира еден милион луѓе. Контроверзните рации на работни места што беа извршени за време на администрацијата на Трамп беа суспендирани во 2021 година. Годишните депортации на луѓе уапсени во внатрешноста на САД се движат под 100.000 веќе една деценија, откако го достигнаа врвот со над 230.000 годишно во раните години на администрацијата на Обама.
Неговата имиграциска политика е дел од причината поради која тој ја обезбеди победата, рече Трамп во интервјуто, а гласачите бараа кандидат кој ќе го „донесе здравиот разум“ во САД. Трамп, исто така, забележа како неговата кампања привлече повеќе различни гласачи на овие избори.
Неговите телефонски разговори со заменик-претседателката Камала Харис и претседателот Џо Бајден по изборите рече дека биле „ со многу почит и од двете страни“.
Тој сè уште не разговарал со рускиот претседател Путин, но додаде: „Мислам дека ќе разговараме“, пренесе Би-би-си.
