Патот на Северна Македонија кон Брисел закочен е во Софија, поточно во одобрувањето на уставните измени од македонскиот парламент за воведување на бугарската заедница во Премабулата на Уставот. Тоа е последната пречка за земјата да го продолжи својот европски сон. Но, дали е можен поширок политички консензус меѓу сите политички сили во земјата и другите важни фактори во општеството за ова прашање?
Политичкиот аналитичар Урим Салиу оценува дека овој консензус е можен бидејќи нашите партии, генерално се на иста линија во однос на прашањето за интеграциите.
– Тие немаат само еден компромис меѓу себе – оној на бескомпромисната борба за власт. Компромисот за интеграцијата на земјата во ЕУ е сеопфатен и тоа не е нечиј партиски интерес или ексклузивитет само на политички субјект, така што е пред се голем државен интерес, за самите граѓани на оваа земја од кој политичките партии добија постојана поддршка. Овој процес не треба да се одолговлекува, затоа во овој момент партиите треба да ги остават настрана огорчените и да го надминат партискиот интерес, изјави Салиу за „Фронтлајн“.
– Консензус околу ЕУ меѓу сите партии од мејнстримот на политичкиот спектар е практика во сите земји кои успешно го завршија процесот на влез во ЕУ. Предлогот на г-нот Филипче е за поздравување, бидејќи и пружа рака на владејачкото мнозинство во однос на нејзините наредни потези во врска со откочување на евроинтеграциите – нешто што ВМРО-ДПМНЕ не го правеше додека беше во опозиција. Евроинтеграциите не треба да се дневно-политичка тема, а консензусот меѓу сите партии од позиција и опозиција, би придонеле таа да се издигне од тоа ниво, во кое за жал многу пати во минатото и реално беше, изјави Небиу.
„Националниот совет за евроинтеграции, што во Собранието го предводи опозицијата, а во којшто членуваат и претставници на власта, граѓански организации и експерти претставува широка платформа којашто доколку функционира како што е предвидено, е добра основа за постигнување на национално единство по однос на клучните прашања поврзани со евроинтеграциските процеси“.
Ова го истакна претседателот на СДСМ, Венко Филипче во одговор на новинарско прашање по средбата со претседателката на државата, Гордана Силјановска-Давкова за тоа колку Владата ја вклучува опозицијата во процесите за деблокада на евроинтеграцискиот пат.
– Ако Националниот совет за евроинтеграции функционира на начин на кој Владата ќе го информира за сè што се случува, како се исполнуваат реформите од реформската агенда, од Планот за раст, ние ќе имаме заедничка работа, истакна Филипче, кој како пратеник е претседател на Националниот совет за евроинтеграции.
Претседателот на СДСМ уште еднаш потсети дека целокупната реформска агенда и Планот за раст е изготвен од Владата на СДСМ и дека од страна на актуелната Влада се направени многу мали измени пред сегашниот премиер, Христијан Мицкоски да го стави својот потпис на овие документи.
Филипче потенцираше дека СДСМ ќе ја поддржи секоја подобрена позиција, којашто Владата, согласно ветувањата ќе ја обезбеди. Во однос на обидите за поддршка за уставни измени со одложено дејство, Филипче рече:
„Ја информирав претседателката дека за време на преговорите кога ги водеше СДСМ сме се обиделе уставните измени да бидат со одложено дејство, меѓутоа тогаш тоа не било прифатено од бугарската страна под раководство на тогашниот премиер Кирил Петков. Така што било која подобрена позиција ние ќе ја поддржиме“.
Тој смета дека пред да се разговара за какво било решение, вклучително и за уставни измени со одложено дејство, треба да се добие потврда дека такво решение е возможно.
– Многу опции и варијанти се работеле во изминатиот период. Јас имав многу состаноци на кои и тогашниот премиер Димитар Ковачевски и тогашниот главен преговарач Бојан Маричиќ ми укажаа кои обиди биле направени и што било возможно, што не било возможно. Ние го направивме тоа. Сите други обиди, меѓу другото и одложеното дејство на уставните измени тогаш бугарската страна не ги прифатила, изјави Филипче и додаде дека што и да направи сегашната Влада што ќе ги подобри нашите позиции, опозицијата ќе поддржи таквото решение, рече Филипче.
Филипче потсети дека СДСМ иницираше собраниска седница за премиерот да ги соопшти позициите на Владата и кои земји ја поддржуваат во нејзините напори за подобрување на положбата на земјава во однос на преговорите со ЕУ. Тоа и понатаму останува како барање од опозицијата, рече Филипче.
Дестан Јонузи
