Студентскиот протест „Се гледаме на Видовден“ е закажан за денес во 18 часот на плоштадот Славија во Белград.
Во пресрет на протестот, студентите во блокада доставија два ултиматума до владата на Србија – распишување вонредни парламентарни избори и прекин на собирот во Пионирски парк, кои бараат да бидат исполнети до 21 часот.
Студентите велат дека бараат избори на кои сакаат да учествуваат, бидејќи, како што велат, не гледаат друг излез од оваа ситуација и начин за ослободување на општеството.
Претседателот на Србија, Александар Вучиќ, пред денешните протести, на кои повикаа студентите во блокада, изјави дека „Србија не го прифаќа ултиматумот“ и дека не мора да чекаат до 21 часот за одговор.
Од друга страна, во кампот „студенти кои сакаат да учат“ во Пионерскиот парк е најавена литературна вечер, на која, според медиумските извештаи, ќе присуствуваат и новоизбраниот претседател на Управниот одбор на Народниот театар, режисерот Драгослав Бокан, историчарот Горан Шариќ, пензионираниот генерал Милорад Ступар и други.
