Втората недела од кампањата за локалните избори 2025 започна денеска. Претставувањата на кандидатите за градоначалници и советници продолжува, а во фокусот на митинзите се обраќањата на лидерите на најголемите партии.
Алијансата за Албанците : ВЛЕН го отвора патот за српско влијание во стратешкиот енергетски сектор
Мицкоски на митингот во Македонски Брод: Јасни правила, транспарентни процеси и нулта толеранција кон корупцијата
ВМРО-ДПМНЕ и коалицијата денес се на митинзи во Долнени, Македонски Брод и во Кичево. Претседателот на ВМРО-ДПМНЕ Христијан Мицкоски на митингот во Македонски Брод, во рамки на изборната кампања за локалните избори 2025 година порача дека Судството мора да биде непристрасно и непокорливо, судиите да судат според законот, а не според влијанија.
Тој нагласи дека треба да се постават јасни правила, транспарентни процеси и нулта толеранција кон корупцијата која, според него, тоне животи и ја кочи промената. Ги повика граѓаните да излезат на 19 октомври и да гласаат за број 9.
Димитриевски-ЗНАМ: Лабудовиќ во Центар ќе биде подобар градоначалник од мене
СДСМ денес е во Илинден, Петровец, Карпош и Центар. Претседателот на СДСМ, Венко Филипче, вечерва, од граѓанскиот собир „Се бориме за нашиот дом“ во Карпош порача дека власт која ја губи довербата од народот измислува непријатели за да ја скрие вистината.
Тој ја осуди, како што рече, црната кампања на ВМРО-ДПМНЕ, нагласувајќи дека таа кампања е доказ за неспособност и страв од народот.
Според него, „оваа власт се храни и одржува од внатрешни поделби, од сиромаштија која ја контролира со корупција и од хаос во кој се создава апатија“. Повика на единство, разум и отпор против лагите и поделбите.
Сабри Азири: На 19 октомври Бујар Османи ќе биде пациент на гласачите од Чаир
Шукова од митингот во Карпош: Градот го претворија во џунгла
Кандидатката за градоначалничка на Град Скопје, Каја Шукова, ги претстави клучните приоритети на својата програма – функционални јавни претпријатија, уреден сообраќај, повеќе зеленило и современо, дигитално Скопје.
-Ова не е само лична кампања, ова е заедничка мисија да изградиме модерно, чисто и функционално Скопје, град што ќе биде наш дом, а не извор на секојдневни нервози, изјави Шукова, нагласувајќи дека решенијата што ги нуди се реални и проверени.
Таа остро се осврна на неуспесите на актуелната градска власт, истакнувајќи дека четири години граѓаните живеат без основни услуги. -Немаме редовно подигање на сметот, немаме вода во високите зони, јавниот превоз е нефункционален, а парковите и улиците се запуштени. Градот го претворија во џунгла, рече таа.
Шукова најави целосна реорганизација на јавните претпријатија и обновување на постојната инфраструктура.
Ѓорѓиевски ја претстави зелената визија за Скопје
Кандидатот за градоначалник на Град Скопје од редовите на ВМРО-ДПМНЕ, Орце Ѓорѓиевски, денеска, во рамки на предизборната кампања за претстојните локални избори, го презентираше планираниот проект за изградба на мегапарк долж течението на реката Лепенец на потегот помеѓу Бардовци – Злокуќани – Даме Груев, којшто ќе опфаќа површина од над 300.000 квадратни метри.
Визијата за зелено Скопје, рече, нема да застане со овие проекти. Тој истакна дека предвидени се проекти за изградба на мегапарк на моменталната дива депонија Вардариште, мегапарк долж булеварот Христијан Тодоровски – Карпош, како и градска шума во Расадник во Кисела Вода, целосна обнова на Градскиот парк во Скопје и Паркот на природата во Гази Баба.
Левица на неформална средба со граѓани во Делчево
Претседателот на Левица, Димитар Апасиев, пратеникот Борислав Крмов и носителот на советничката листа во Делчево, Тони Стаменковски, во рамки на активностите за локалните избори денеска одржаа неформална средба со граѓаните, каде ја истакнаа улогата на партијата во борбата против непотизмот и лошите политики на локално и национално ниво.
Бујар Османи: Чаир бара систематски пристап, а не предизборен асфалт на еден месец пред избори
М. Д.
