Израелската армија соопшти дека денеска извршила напад врз комплексот на Министерството за одбрана на Сирија во главниот град Дамаск, како дел од засилените воени активности со цел заштита на друското малцинство од нападите на сириските владини сили.
BREAKING:
🇮🇱🇸🇾 Israel strikes Syrian Defence headquarters in Damascus pic.twitter.com/BGmF2fcKYX
— Megatron (@Megatron_ron) July 16, 2025
Израелските напади врз сириска територија траат трет ден по ред, откако во јужниот град Свеида избувнаа жестоки судири меѓу државните сили и друските борци.
Сириските државни медиуми јавија дека две цивилни лица биле ранети при денешниот израелски напад.
Израелската војска соопшти дека „ја гаѓала портата на воениот штаб на сирискиот режим“ и додаде дека продолжува да ја следи ситуацијата и нападите врз „мирното друско население во јужна Сирија“.
Во градот Свеида, населен претежно со Друзи, судирите продолжуваат веќе четврти ден, откако синоќешното примирје пропадна.
Сириската армија беше распоредена во провинцијата Свеида во понеделникот со цел да ја смири тензијата меѓу Друзите и бедуинските заедници, но во меѓувреме самата влезе во судири со Друзите.
Според локалната медиумска мрежа „Свеида 24“, утрово градот и околните села биле под артилериски оган, додека сириското Министерство за одбрана, преку националната агенција САНА, ги обвини „нелегалните групи во Свеида“ за прекршување на примирјето. Министерството апелираше до жителите да не ги напуштаат домовите.
Фото: Скриншот Х
