Американско воено летало од типот „Боинг Е-4Б Најтвоч“, познат како „Авион на Страшниот суд“, полета од воздухопловната база Рајт Петерсон во сојузната држава Охајо, објави сајтот СивМилЕр, чија специјалност е следење на полетите на воени и цивилни авиони.
Информации за полетување на авион од овој тип беа пласирани и во неколку објави на Твитер.
„Боингот Е-4Б Најтвоч“, кој ја има улогата на национален воздушен оперативен центар, е наречен „Авион на Страшниот суд“ затоа што се смета дека тој би бил користен во случај на нуклеарен воен конфликт.
Американското Министерство за одбрана засега ниту ги потврди, ниту ги демантираше ваквите информации. Портпаролот на Пентагон, Том Кросон изјави дека Минисетсрвото не објавува никакви дополнителни информации во врска со ова тврдење.
Од друга страна, американското Воено воздухопловство информира дека најмалку еден Е-4Б „секогаш, седум дена во неделата, по 24 часа се наоѓа во состојба на готовност“ во некоја од големиот број бази ширум светот, следејќи го развојот на настаните во глобални рамки и со цел да им пружи директна поддршка на претседателот, министерот за одбрана и началникот на Здружениот генераштаб на Вооружените сили на САД.
Авионите „Е-4Б Најтвоч“ располагаат со системи за заштита од електромагнетни импулси и од влијание од нуклеарно оружје и се опремени со најсовремени комуникациски уреди. Авионот може да се танкира со гориво во текот на летот и има може да превезува до 120 лица.
[divide]
Извор: МИА
