Агенцијата за стоковни резерви ја почна постапката за објавување јавен оглас за откуп на 12.000 тони домашна пченица, соопшти Министерството за земјоделство.
На овој начин, според МЗШВ, ќе се мотивираат мелничарите да откупуваат домашна пченица која потоа ќе ја продадат на Агенцијата за стоковни резерви, а воедно ќе се влијае и на постигнување солидна откупна цена на домашното жито.
Прв пат ќе се пуштат и помали лотови на кои ќе можат да конкурираат и земјоделците.
МЗШВ деновове ќе излезе и со пресметките за производната цена на годишната пченица и мерките што ќе се преземаат.
– Досега се оддржаа повеќе состаноци со производителите на пченица и мленичарите за да се постигне договор од заеднички интерес, информира Министерството. (МИА)
