Амбасадорката на САД Анџела Агелер, ја честиташе победата на Силјановска-Давкова, напоменувајќи дека САД и натаму ќе продолжат да ја поддржува земјата.
„Моите срдечни честитки до Гордана Силјановска-Давкова за нејзиниот историски избор за прва жена претседател на Северна Македонија. Честитки и за сите оние граѓани кои вчера го искористија своето избирачко право на претседателски и парламентарни избори. Соединетите Американски Држави ќе продолжат да ги поддржуваат целите за просперитет и целосна евроатланска интеграција на оваа земја“, стои во пораката на Агелер на мрежата Х (Икс).
My heartfelt congratulations to Gordana Siljanovska-Davkova on her historic election as the first female president of North Macedonia. Congratulations also to all those citizens who exercised their right to vote yesterday in presidential and parliamentary elections. The United…
— Ambassador Angela Aggeler (@USAmbNMacedonia) May 9, 2024
Силјановска Давкова и возврати на честитката со надеж дека ќе се прошири соработката.
„Почитувана амбасадорке Агелер, Ви благодарам на честитките. Очекувам да го обновиме духот на македонско-американските односи, да ја прошириме рамката на нашето стратегиско партнерство и соработка, како во евро-атлантската димензија, така и билатерално“, пишува Силјановска – Давкова.
