Американскиот државен секретар Антони Блинкен имаше телефонски разговор со украинскиот министер за надворешни работи Дмитро Кулеба во саботата, 30 април, по нивниот состанок на 24 април во Киев, соопшти Стејт департментот, пренесува Укринформ.
Блинкен ја истакна силната поддршка на Соединетите Држави за суверенитетот и територијалниот интегритет на Украина наспроти руската брутална агресија, се вели во соопштението.
Секретарот даде ажурирање за плановите на американските дипломати да се вратат во Украина, вклучително и првичните посети на Лавов оваа недела и плановите да се вратат во Киев што е можно поскоро.
Блинкен и Кулеба разговараа и за барањето на американската претседателска администрација од 28 април до Конгресот за 33 милијарди долари безбедносна, економска и хуманитарна помош за да се овласти Украина „да ја победи несовесната војна на Кремљ“.
Украинскиот шеф на дипломатијата, Дмитро Кулеба, на својот Твитер профил објави дека разоварал со Блинкен и се заблгодарил за поддршката од САД за Украина.
Зборував со секретарот Блинкен. Благодарни сме на САД што го одржаа ветувањето дека решително ќе застанат покрај Украина. Разговаравме за дополнителни санкции за Русија, испорака на оружје и финансиска поддршка за Украина. Ги повикав и САД да обезбедат максимална либерализација за украинскиот извоз.
Spoke with @SecBlinken. Grateful to the U.S. for keeping the promise to stand by Ukraine resolutely. We discussed further sanctions on Russia, arms deliveries and financial support to Ukraine. I also called on the U.S. to provide maximum liberalization for Ukrainian exports.
— Dmytro Kuleba (@DmytroKuleba) May 1, 2022
Претходно, Блинкен и американскиот секретар за одбрана Лојд Остин ја посетија Украина на 24 април и се сретнаа со државното и военото раководство на земјата.
подготви: Д.Мишев
