од корнер: ЗОРАН ИВАНОВ
Тоа што не му доуспеа на Коце, го докрајчува Петре.
Скопскиот плоштад, во најстрогиот градски центар кој посиве во времето на претходниот Трајанов, како тргнало, допосивува во времево на градоначалникот Шилегов. Пред влезот на ГТЦ деновиве се туткаат шлепери. Долгите многутонски камиони на големо истовараат илјадници разни бетонски дребулии. Понешто и гранит ама сеедно. И едното и другото, сиво. Не зелено, туку сиво.
Градот го реновира или го реконструира ова парче центар во центарот на Скопје. Ако е за некаква утеха, за разлика од својот претходник застапник на габаритниот вертикален барокизам, а судејќи и по дизајнот на артиклите, актуелниот градоначалник галиба форсира естетски хоризонтален минимализам.
Но, сеедно. Наместо да позеленува, пациентот Скопје продолжува да посивува. И на овој најфреквентен скопски пешачки агол, во време кога градот ги руши сите меѓународни рекорди по загаденост и на воздухот и на почвата, наместо ветените зеленило и дрвја, пак се трупа бетон и бекатон. И наместо доза кислород, нова доза прав. Се кумулира нова урбана камена оаза. Никнува или се обновува, сеедно, уште едно грдо катче урбано сивило.
Нова лузна загребува во самото срце на македонскиот главен град. Меѓу сивиот бетон и зелените елки, пак ни го подметнаа бетонот. Граѓани, екологисти, невладини, паркобрани, каде сте? И урбанисти, градоначалници, советници, исто така?
Известителната табла на градилиштето ги посочува само инвеститорот и изведувачот. Недостасува името на авторот на проектот.
И не треба. На скопјани од поодамна им е познат доктор Франкенштајн, нивниот омилен градски урбанист.
Преземање на содржините e ЗАБРАНЕТО (!!!), освен со писмена дозвола од ЦИВИЛ и тоа исклучиво според Условите за користење, авторски права и заштита на приватноста. Повредата на авторските права е забранета со закон.
ПРЕЗЕМАЊЕТО (делумно или во целост) НА КОЛУМНИТЕ ОД САШО ОРДАНОСКИ Е ЗАБРАНЕТО ЗА СИТЕ ПРЕД 12 ЧАСОТ НА ДЕНОТ НА НИВНОТО ОБЈАВУВАЊЕ.
Со преземање на било која содржина објавена на ЦИВИЛ Медиа, спротивно на Условите, се согласувате на ЦИВИЛ да му исплатите надоместок од 60.000 денари во рок од осум дена по преземањето на содржината. Оваа обврска не застарува, а за секое доцнење на исплатата ќе биде пресметана соодветна законска камата.
Доколку некоја содржина е потпишана со ЦИВИЛ Тим за комуникации, тогаш преземањето е дозволено во целост.
