Градоначалникот на Куманово, Максим Димитриевски на својот Фејсбук профил објави дека направил тестови за коронавирусот кои испаднале негативни, па бара под итно да се укинат решенијата за самоизолација.
– Ви се заблагодарувам од срце на сите пораки со подршка и желби за закрепнување. Сакам да ве информирам и Вас и јавноста дека вчера заедно со сопругата почитувајќи ги сите безбедносни протоколи и процедури направивме тестирање на Ковид 19 на сопствена сметка во неколку релевантни лаборатории во државата, воедно претходно и тестирање од страна на ЦЈЗ Куманово на сите членови од моето семејство. Сите тестови се НЕГАТИВНИ- напиша Димитриевски.Денеска од епидемиолошката служба при ЦЈЗ Куманово побарал да ги разгледаат резултатите од тестирањата, по потреба да се повтори тестирањето и под ИТНО да му се достави барање за укинување на решенијата за самоизолација за него и членовите на неговот семејство и сите негови контакти посочени во епидемиолошка анкета.
