Западната дипломатија триумфираше на Самитот на земјите-членки на Организацијата за безбедност и соработка во Европа (ОБСЕ) што се одржа во Скопје, велат поранешни дипломати за „Фронтлајн“, нагласувајќи ја осудата и игнорирањето што и се правело на Русија заради агресија врз украинскиот народ.
Универзитетскиот професор и поранешен амбасадор во НАТО – Нано Ружин вели дека Самитот на ОБСЕ во Скопје се случи во еден многу значаен контекст.
– Контекстот во суштина е сличен со тој од времето на студената војна – 73’, 74’ година кога и беше основaна ОБСЕ. Тогаш постоеја тензи, но не и војна како што е сега. Разбиливо е што во таков контест руската дипломатија доживе една голема критика заради агресијата врз Украина. Секако дека бројот на западните држави за разлика од седумдесетите години, сега е многу поголем во ОБСЕ. Западната дипломатија триумфираше и на тој начин може да кажам дека Република Северна Македонија одигра значајна улога како домаќин, но и како дел од тие држави што имат извесна тежина во ОБСЕ, бидејќи сепак и ние се сметаме како едени од оснивачите на ова институција, изјави Ружин за „Фронтлајн“.
Исмет Рамадани, претседател на евроатланскиот совет на Македонија вели дека прозападните земји, односно Евроатланските земји, каде припаѓа и Република Северна Македонија, го декласира со односот на игнорирање преставникот на воениот агресор Русија, министерот за надворешни работи Сергеј Лавров.
– Дури и тие кои ги сметаме како негови подржувачи, се разбира во мал број, преќутно го ескивираа, за да не се срамат пред еден ваков широк и висок преставнички аудиториум. Да не зборуваме за главните играчи, како Блинкен, Камерон и Борел, кои го одминаа кога Лавров леташе низ забранети и адхок тесно слободни коридори на небото Москва – Скопје, нагласи Рамадани во изјава за „Фронтлајн“.
Според него, шефот на руската дипломатија Сергеј Лавров и со говорот на Самитот, а уште повеќе на пресконференцијата со новинарите, со критиките односно, како што потенцира Рамадани, кон заканите кон евроатланските земји, членки на ОБСЕ, манифестираше фрустации на запоставена особа, која носи бреме на агресорна земја од војната во Украина.
– Замислете, и од таква психолошка состојба се обидуваше да остава впечаток дека е „триумфалист“ – нгаласува Рамадани
Министерот за надворешни работи на Северна Македонија, Бујар Османи, го нарече самитот во Скопје „револуционерен“, бидејќи според него сите учесници, со исклучок на Русија, ја истакнале својата посветеност на почитувањето на принципите на ОБСЕ.
– Руската агресија е спротивна на основните принципи на нашата организација и предизвика големи страдања во Украина, но беше предизвик и за нашата организација. И затоа резултатот на овој совет е револуционерен затоа што најголем дел од присутните се собраа тука и ја истакнаа својата посветеност на темелните принципи на организацијата и принципите на Хелсинки, рече Османи.
Учесниците на самитот го потврдија консензусот дека Малта ќе претседава со организацијата во 2024 година.
Министерот за надворешни работи на Малта, Јон Борг, како и сите други учесници ги фокусираа своите говори на осудата на руската агресија во Украина и продолжувањето на функционирањето на ОБСЕ.
– Мораме да се фокусираме на ставање крај на војните и конфликтите. Руската агресија врз Украина мора да престане, рече идниот претседавач на ОБСЕ, министер за надворешни работи на Малта, Јон Борг.
Дестан Јонуз/ Фронтлајн
