Градоначалникот на општина Аеродром, Златко Марин, на прес конференција рече дека е издадено решение за стопирање на градбата на зградата кај Мајчин дом, поради, како што рече, неправилности констатирани од инспектор. Како што рече тој, забраната во моментов трае 15 дена, во кој период, се надева дека ќе се изнајде решение и со инвеститорот и со граѓаните.
Во петок има вонредна седница во Општина Аеродром и се поканети сите засегнати страни да присуствуваат за да се изнајде решение.
Тој додаде дека ги поддржува граѓаните во борбата да се сопре изградбата на зградата.
„Оставени ни се многу проблеми од ВМРО-ДПМНЕ, ние се обидуваме да ги поправиме“, истакна Марин.
Tој ги отфрли гласините дека ќе се гради катна гаража спротив Мајчин дом.
Вчера граѓаните на Аеродром протестираа против изградба на висококатница, а за денес е најавен протест во 17 часот.
Д. М.
