Активистка на феминистичката група Фемен денеска упадна на гласачкото место во градот Милано, во време кога таму гласаше поранешниот премиер Силвио Берлускони (81).
Жената, на чии гради беше напишано „Берлускони ти истече рокот”, скокна на масата додека Берлускони гласаше, по што тој веднаш, во придружба на обезбедувањето, ја напушти просторијата.
Феминистички активистки го прекинаа Берлускони и за време на гласањето и на изборите во 2013 година.
Инаку, на парламентарните избори во Италија в недела, на 4 март 2018, гласаат 50,7 милиони Италијанци, а избирачките места беа отворени до 23 часот.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
