Лидерот на СДСМ и генералниот секретар Љупчо Николовски се сретнаа со претседателите и претставниците на партиите во Коалицијата „Можеме“.
-15 мандати што ДУИ ги доби на предвремените парламентарни избори, со право ја прават Демократската Унија за Интеграција победничка. Граѓаните повторно решија да ја делегираат својата политичка волја да ги претставуваме во следните четири години. И со ова гласачите не ни ја дадоа само нивната доверба, туку задачата и одгворноста за достоинствено застапување, изјави Ахмети на почетокот од конференцијата.
Движењето БЕСА пак, ќе раководи со ресорот земјоделство, но кој ќе биде министер ќе се знае по вечерашниот состанок на Централниот совет на партијата.
Ова го соопшти претседателот на БЕСА, Билал Касами по состанокот на лидерот на СДСМ, Зоран Заев со првите луѓе на останатите партии од коалицијата „Можеме“, што се одржа попладнево во седиштето на Социјалдемократскиот сојуз.
Како што изјави Касами, БЕСА ќе биде дел и од другите ешалони на власта и ќе добие заменици министри и директори на институции.
Вчера од СДСМ известија дека Коалицијата „Можеме“ и ДУИ постигнале коалициски договор за создавање парламентарно мнозинство.
„СДСМ и Коалицијата “Можеме” и Демократската унија за интеграција, постигнаа коалициски договор за создавање парламентарно мнозинство, за распределба на одговорности, состав и принципите на нова Влада со полн мандат, водена од претседателот Заев, која во следните четири години ќе работи посветено во интерес на граѓаните и државата“, соопштија од СДСМ.
А. П.
