• Latest
Добро утро со Орданоски

Макрон во прегратките на Трамп и Путин

November 8, 2019

Колегите од Неврологија во одбрана на Кузмановски по скандалот со кокаин: „Наместо осуда – сочувство и достоинство“

October 12, 2025
Фото: А. Мехмети/ЦивилМедиа

Семејни пат’ридии

October 12, 2025

Пакистан и Авганистан на раб на војна: Размена на оган, тенкови и дронови на границата

October 12, 2025

Кампањата за локалните избори 2025 влегува во последната седмица

October 12, 2025

Филипче бара одговор: Дали Владата прифаќа мигранти за милијарди евра – Муцунски демантира: Лага е!

October 12, 2025

Локални избори во Косово

October 12, 2025
Wikimedia Commons / Picture of USA Flag taken on 2013 Independence Day Celebration The U.S Embassy Ghana's July 4th Celebration at the Embassy in Accra.

Американските сили нема да бидат распоредени на палестинските територии за време на спроведувањето на планот за примирје меѓу Израел и Газа

October 11, 2025

Британски авиони летале во мисија со САД и НАТО близу руската граница

October 11, 2025
Фото: Скриншот од видео на
PBS NewsHour

Најмалку 60 лица загинаа во напад со беспилотно летало врз бегалски центар во Судан

October 11, 2025

Мицкоски: Да за ЕУ и гаранции од Европскиот совет, не за билатерални услови

October 11, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ДОБРО УТРО СО ОРДАНОСКИ

Макрон во прегратките на Трамп и Путин

Патем, овој „малиов Шенген“ неодоливо ме потсетува на една квазимодо-југословенска идеја која по распадот на Југославија овде силно ја промовираше Срѓан Керим, со нагласена француско-српска поддршка. Дури и кај Глигоров во тоа време таквата упорност создаде одредени забуни. Баш ме интересира кои се структурите околу Заев кои денеска него го „грејат“ за сличнава идеја? (Ме лаже сеќавањето или имаше некаква апокрифна средба на Заев со Керим неодамна во САД...?)

November 8, 2019 07:26
in ДОБРО УТРО СО ОРДАНОСКИ, СЛОБОДНА ЗОНА
Добро утро со Орданоски

Добро утро со Орданоски

Share on FacebookShare on Twitter

пишува: САШО ОРДАНОСКИ

Геополитичкиот „земјотрес“ што го предизвика интервјуто на Емануел Макрон за лондонски „Економист“ („мозочна смрт на НАТО“, „Европа на работ од амбис“ итн.) додаваат „трамповско“ масло на оганот којшто беснее во меѓународниот мултилатерален поредок. Анализите за тоа дали е Макрон мудар пророк или уште еден неконтролибилен политички кловн на лабилната меѓународна сцена веќе од вчера забрзано се прават во сите помали и поголеми центри на моќ во светот.

За ниту една, точна или неточна, оценка изречени во интервјуто на Макрон (и за НАТО и за ЕУ и за САД и за Босна и за Турција и за Сирија…), Франција не може да се смета за „невина млада невеста“, а Макрон да се прогласи за „Далај Лама“ на мултилатерализмот. Напротив – последен пример би можела да биде Либија и тамошниот хаос потпомогнат и од самата Франција.

Можеби затоа, на ваквата дрска провокација на Макрон – едно време, според тезите и квалификациите, си помислив да не читам уште едно фриволно интервју на српскиот министер за надворешни работи Ивица Дачиќ?! Ама не… – веднаш со голема критичност, иако сосема затечени, остро реагираа сите релевантни западни центри на моќ. Според тие реакции, да немате сомневање, од вчера започнува нова геополитичка стварност за Европа, па и за НАТО, на неколку недели пред лондонската прослава за 70-годишнината од основањето на Алијансата. Последиците од тоа се непредвидливи и многу загрижувачки. Би требало Трамп и Путин веќе да испратиле до Париз телеграми со честитки за интервјуто на францускиот претседател. Сепак, може ли тоа да му служи на чест на Макрон?

Но, на страна глобалните импликации, да видиме, набрзина, каде сме ние во однос на овие ставови на Макрон…

Прво, станува јасно дека скандалот со француското вето за нас на самитот на ЕУ во Брисел, како и последователните контрадикторни изјави на Макрон за Балканот (и во „Економист“ на оваа тема продолжува таа конфузија) не се случајни, ниту резултат на моментен каприц, туку планиран потег од една, се чини, поголема француска игра. Голема поволност е тоа што Пендаровски наскоро ќе се види со Макрон во Париз, па ќе можеме од прва рака да дознаеме што му е, всушност, намерата на францускиот претседател кон Македонија.

Второ, викендов во Охрид треба да се случи македонско-српско-албанска средба на врвот со која ќе се продолжи нејасната иницијатива за создавање на некаков „мал Шенген“ за Западниот Балкан. Но, особено после ова интервју на Макрон, најдобро би било во Охрид Заев да си ги дочека Вучиќ и Рама на највисоко гостопримливо ниво, да се потрудиме да не се погрешат државните знамиња, да се изедат тоа рибите и макалата како што е планирано – и да си заминат сите по дома, без никаков суштински договор!

Бидејќи, гледајте, самиот голем ентузијазам на Вучиќ за таа идеја, во моментот кога Русија распоредува ракетни системи недалеку од македонско-српската граница – за што Американците најавуваат остри економски санкции против Белград – е сомнителен сам по себе. Оти, реално, ставот на Србија кон државноста на Македонија и денеска не е суштински многу поразличен од онаа мешавина на шешељовско-милошевиќевска, национал-социјалистичка политика што го следи српскиот регионален пристап уште деведесеттите, и после три изгубени, трагични балкански војни и едно уште потрагично бомбардирање на западната Алијанса на тогашната српско-црногорска федерација.

Патем, овој „малиов Шенген“ неодоливо ме потсетува на една квазимодо-југословенска идеја која по распадот на Југославија овде силно ја промовираше Срѓан Керим, со нагласена француско-српска поддршка. Дури и кај Глигоров во тоа време таквата упорност создаде одредени забуни. Баш ме интересира кои се структурите околу Заев кои денеска него го „грејат“ за сличнава идеја? (Ме лаже сеќавањето или имаше некаква апокрифна средба на Заев со Керим неодамна во САД…?)

Конечно, сега сме во состојба со многу поголема загриженост да ги следиме контактите и потезите на францускиот амбасадор во Скопје и неговата нескриенo голема поддршка за ВМРО-ДПМНЕ, паралелно со наглото, повторно будење на руско-српските структури во и околу оваа партија. Убеден сум дека Мицковски и самиот врв на партијата, без разлика што мислиме за нивниот политички капацитет, со тој „оган“ нема лекомислено да си играат. Впрочем, за нив би требало да е доволен проблем и тоа што автократските „близнаци“ Орбан и Ердоган некни уште повеќе, со гушкање, билатерално се збратимија, со оглед на целата вмровско-унгарска сага и нејзините политички, финансиски и кадровски импликации во водењето на опозицијата.

Со други зборови, кога и еден француски претседател ќе почне за регионални и глобални стратегиски прашања да зборува со речникот на кафеанските „стратези“, не е лошо и ние овдека да видиме дали кристалот ни е стабилно разместен по витрините…

 


Преземање на содржините e ЗАБРАНЕТО (!!!), освен со писмена дозвола од ЦИВИЛ и тоа исклучиво според Условите за користење, авторски права и заштита на приватноста. Повредата на авторските права е забранета со закон. 
ПРЕЗЕМАЊЕТО (делумно или во целост) НА КОЛУМНИТЕ ОД САШО ОРДАНОСКИ Е ЗАБРАНЕТО ЗА СИТЕ ПРЕД 12 ЧАСОТ НА ДЕНОТ НА НИВНОТО ОБЈАВУВАЊЕ. 
Ниедно ограничување не важи за Слободен печат.
Со преземање на било која содржина објавена на ЦИВИЛ Медиа, спротивно на Условите, се согласувате на ЦИВИЛ да му исплатите надоместок од 60.000 денари во рок од осум дена по преземањето на содржината. Оваа обврска не застарува, а за секое доцнење на исплатата ќе биде пресметана соодветна законска камата.
Доколку некоја содржина е потпишана со ЦИВИЛ Тим за комуникации, тогаш преземањето е дозволено во целост.

 

Print Friendly, PDF & Email
Share33Tweet21Send

НАЈЧИТАНИ 5

  • Фото: Скриншот од видео на N1

    Вучиќ, со „нож во грбот“од Ердоган, го врти другиот образ: Од обнова на Отоманската империја до „пријатели и партнери“

    108 shares
    Share 43 Tweet 27
  • Андонов: Имаме многу необразовани членови во политичките партии, дел од тие стануваат и функционери

    94 shares
    Share 38 Tweet 24
  • Колегите од Неврологија во одбрана на Кузмановски по скандалот со кокаин: „Наместо осуда – сочувство и достоинство“

    93 shares
    Share 37 Tweet 23
  • Украински дронови нападнаа повеќе воени и индустриски објекти низ Русија далеку од фронтот, експлозии во една од најголемите фабрики за експлозиви

    91 shares
    Share 36 Tweet 23
  • Украински дронови го погодија најголемиот нафтен терминал во окупираниот Крим, предизвикувајќи огромен пожар

    90 shares
    Share 36 Tweet 23
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ